Xurxo Souto conduce "A noite do acordeón"

O antigo compoñente do grupo "Os Diplomáticos de Monte Alto" acudirá a Fene o venres dia 2 de xuño para participar no acto denominado "A Noite do Acordeón". O escritor, locutor e aminador cultural conducirá unha velada adicada a ese instrumento musical, onde tamén se achegarán a tocar as súas pezas acordeonistas de Fene como Serafín Santamariña, o duo formado por Tamara e Sabela, Jorge Vázquez e Manuel Cociña. Trátase de rendir tributo ao acordeón, como nexo de confluencia entre múltiples xeneracións. "A noite do acordeón" comezará o venres dia 2 de xuño ás 20,30 horas no local social Alborada, na Avenida Naturais de Fene, 41-43, traseira. Trátase dun acto aberto a todas as persoas interesadas.