F e n i c i a

O BNG de Fene organiza un acto para reivindicar o día internacional para a eliminación da violencia contra das mulleres

2011-11-29T09:56:00.002+01:00

O vindeiro mércores 30 de novembro as mulleres da Asemblea Local de Fene imos celebrar un acto lúdico - reivindicativo para lembrar o día internacional para a eliminación da violencia contra das mulleres que se conmemorou o pasado día 25.

Para iso, a partir das 20.30h, reunirémonos no local do BNG de Fene para escoitar a intervención de Iria García e visionar un vídeo de Peque Varela a cineasta de Caranza que recibíu o Premio Mestre Mateo deste ano. A continuación celebraremos unha cea de convivencia no mesmo local. O acto é aberto ás persoas que queiran asistir, so hai que inscribirse no enderezo bngfene@gmail.com

O BNG Fene abstense de apoiar a proposta do PP para o Plan de Obras da deputación

2011-11-29T09:55:00.002+01:00

PP e PSOE coinciden de novo na votación do Pleno, aprobaron o orzamento para 2011, as taxas para o 2012, o creto ICO de case 400.000€ para pagar facturas pendentes e agora o aproban o POS. A proposta do PP estivo a disposición do BNG trinta minutos antes do Pleno, tempo “suficiente” para ver como o Informe da Secretaría municipal informa desfavorablemente os proxectos por cusetións formais.

No BNG coa nosa abstención quixemos dar unha oportunidade a que se realicen tres obras importantes para a nosa veciñanza, pero tomamos nota do xeito de traer as propostas ao Pleno, sen comisión previa e por vía de urxencia con escasísimo tempo material para ver o expedente. No plan de obras para 2012 o PP destina gran parte do mesmo para gasto corrente. O protavoz nacionalista Manuel Polo afirmou “nos apoiamos esta medida dentro dun proxecto económico de orzamento para o ano 2012, feito que non se deu e vemos lonxe de materializarse pola falla de proxecto do PP para Fene” “Coas medidas que veu tomando o PP as contas para 2012 non vanter marxe, vai ser política de feitos consumados polos compromisos adquiridos”

O BNG de Fene está sorprendido do gran apoio que está a prestar o PSOE de Iván Puentes ao PP. Contrasta a benevolencia socialista co PP coa dureza coa ambos partidos trataron ao BNG nos últimos anos de goberno nacionalista.

O alcalde de Fene cambia de discurso e defende á Xunta de Feijóo antes que á veciñanza de Magalofes e Sillobre

2011-11-18T14:14:00.001+01:00

Exime agora a responsabilidade que antes esixía ao anterior alcalde para escritutrar os terreos necesarios

O PP de Fene, antes das eleccións de maio, preguntou reiteradamente ao goberno porqué non se escrituraban os terreos que estaban xestionados e cedidos voluntariamente por dous propietarios. Trátase do único trámite que resta para a dotación de servizos básicos as parroquias de Magalofes e Sillobre, nas que falta a auga na primeira e a auga e o saneamento na zona alta da segunda (San Marcos, Marraxón, A Rañoa, Lubián).

Agora, sen embargo, cando lle toca a el respostar como alclade porqué non escritura e rexistra os terreos, e porqué o goberno da Xunta non atende a Fene e asina un convenio para facer as obras, di que a culpa é do BNG e que o goberno de Feijóo non ten nada que ver.

Os nacionalistas esixismos ao alcalde de Fene que cumpra coas súas funcións. Entre as competencias do concello están as de dotar de auga e saneamento á poboación, e se no BNG non nos valían as desculpas do anterior goberno do PSOE, tampouco nos valen agora as do PP.

Estas obras contan cun proxecto realizado no ano 2007 polo BNG, tamén se xestionaron naquel momento os terreos para a ubicación dun bombeo e un depósito de auga en Magalofes. No ano 2008 o Concello Pleno, por unanimidade, modificou o proxecto que contaba co visto bo da Consellaría de Medio Ambiente, Territorio e Infraestructura. Coa chegada ao goberno da Xunta do PP, os compromisos anterores esbaeceron. O Conselleiro do PP, Agustín Hernádez, cambiou a proposta esixindo no ano 2010 un cofinanciamento da obra. O BNG propuxo entrar a participar no finanzamento das obras unha achega de 45.000 € anuais duarante 4 anos para asinar o convenio. Nos orzamentos municipais de 2010 figuran 45.000€, PP e Psoe esqueceron o compromiso nos orzamentos do 2011 e a Xunta de Galiza non o recolle nos orzamnetos de 2012, razóns polas que o BNG pregunta no Parlamento Galego por estas obras.

O BNG PREGUNTA Á XUNTA POLO SANEAMENTO E A AUGA PARA AS PARROQUIAS DE MAGALOFES E SILLOBRE

2011-11-16T13:57:00.001+01:00

O deputado nacionalista Fernando Branco pregunta á Consellería de Medio Ambiente, Territorio e Infraestructura polas obras de auga a Magalofes e saneamento e auga a Sillobre e San Marcos.

Concretamente o BNG pregunta para a súa resposta oral e escrita cal é a previsión da Consellería para a cometer as obras se saneamento e abastacemento nas parroquias de Magalofes e Sillobre. Ademais preguntase pola obrigación de cofinanciamento expresado por escrito pola propia Consellería para poder acomenter as obras.

Estas obras contan cun proxecto realizado no ano 2007 polo BNG. Para os nacionalistas non é de recibo que ante o compromiso das diferentes corporacións de Fene e do propio movemento veciñal o conselleiro do PP Agustín Hernández manteña unha actitude tan pouco colaboradora para executar estas obras tan importantes que virian a culminar os servizos de saneamento e traída de auga en todo o Concello de Fene.

O BNG DEMANDA DA CONSELLERÍA QUE CUBRA A VACANTE DO CEIP DE CENTIEIRAS

2011-11-10T12:25:00.000+01:00

Os nacionalistas puxémosnos en contacto co grupo parlamentar do BNG para que interroguen aos responsabeis da Consellería de Educación sobre a falta de profesorado de educación infantil. Concretamente o feito de que unha profesora do CEIP de Centieiras en Perlío, se ausente por formar parte dunha candidatura durante 15 días e a Consellería non cubra a vacante non é de recibo. Un procedemnto ao que ten dereito a traballadora que conta con autoriación expresa da propia Consellería ten que ser cuberta desde o minuto un. Non existe imprevisión, nin urxencia, nin causas sobrevidas. O goberno do PP recurta e aforra en mestres e conculca os dereitos da mestra a participar no proceso electoral e do alumando a ser ben atendido, algo nunca visto, o que é unha mostra evidente de cales son as políticas básicas de Feijoo de desprezo dos servizos básicos e á democracia.

Para o BNG é intolerábel esta actuación política a nivel autonómico e máis se cadra a actitude de resignación do PP local que non dá unha torna en defender aos nenos e nenas de Fene.

O BNG IMPUGNA A APROBACIÓN DA TAXA DOS EXAMES

2011-11-07T14:53:00.001+01:00

“ O alcalde non dirimiu o empate a seis cunha segunda votación tal como indica a lei”

As ordenanzas fiscais apróbanse por maioría simple, máis votos a favor que en contra. Os seis votos do PP non son suficientes para superar os seis votos en contra de BNG e IU e a abstención socialista na imposición dunha taxa ás persoas que aspiren a un emprego no concello.
Os nacionalistas de Fene, sen entrar no fondo das ordenanzas fiscais, impugnamos este acordo xa que o alcalde non someteu o asunto debatido a unha segunda votación, tal e como indica a lei. (Artigo 46, Título V, Capítulo primeiro da Lei 7/1985, de 2 de abril, Reguladora das Bases do Réxime Local, que di textualmente:No caso de votacións con resultado de empate, efectuarase unha nova votación, e se persistise o empate, decidirá o voto de calidade do Presidente).

Unha falta de reflexos do Alcalde, Gumersino Galego, e unha falta de preparación do Pleno polo edil de facenda nun Pleno que realmente so sacou adiante a suba do IPC da Taxa do lixo, xa que a conxelación do resto da taxas non era necesario que fose sometido a votación. Os acordos adoptados están moi lonxe do que reiteramos desde o BNG que era a necesidade de facer un estudo global das taxas e impostos de tal xeito que se adapten ás circunstanciás económicas e á realidade de máis de 1200 persoas desempregadas no noso concello, aos nosos sectores económicos e sociais.

O CANDIDATO AO SENADO XAIME BELLO FALA DOS RECURTES NO ENSINO

2011-10-25T09:00:00.001+02:00

O BNG organiza o mércores 26 de outubro unha charla sobre a precarización do Ensino Público que está a ser a unha das políticas máis agresivas que o Partido Popular está levando adiante alí en onde goberna, sen dúbida unha mostra clara do que serán as súas políticas de acadaren o goberno do estado o vindeiro 20 de novembro.

Para falar deste tema contaremos con Xaime Bello Costa, cabeza de lista ao Senado polo BNG para as vindeiras eleccións Xerais de novembro e con Xosé Lois Rivera Jácome, responsábel comarcal da Federación de Ensino da CIG. Trátase dun acto aberto a todas aquelas persoas que queiran participar e participar no coloquio que terá lugar ao remate do acto.

O acto terá lugar no Salón de Actos da sociedade O Pote de Maniños e empezará ás 19.00h.

O DEPUTADO DO BNG FERNANDO BRANCO REÚNESE COAS ASOCIACIÓNS DE VECIÑOS QUE DEMANDAN A TRAÍDA DE AUGA

2011-10-18T09:43:00.002+02:00

Os concelleiros nacionalistas, Manuel Polo e Juventino Trigo xunto co parlamentario Fernando Branco, reuniranse mañá martes na sede do BNG de Fene coas AAVV de Santo Marco, Sillobre e Magalofes e a Mancomunidade de montes de Marraxón para tratar a situación da traída da auga e o saneamento a toda a zona alta do concello.

Os nacionalistas proporemos unha actuación coordenada en todos os frentes para rematar con estas obras.

Para o BNG vai sendo hora de concretar finanzamento e prazos de actuación para acometer estas obras.

Dende o Concello proporemos o reinicio dos traballos da mesa de participación veciñal que funcionou no mandato anterior e na se chegara ao acordo de incluir unha partida de 45.000€ cada ano e que o PP incumpreu no seu primeiro orzamento. Ademais pediremos explicacións sobre a situación administrativa dos terreos que xa levan varios anos cedidos por parte dun particular para a instalación dos depósitos de auga.

Dende o Parlamento de Galiza demandaremos a sinatura dun convenio antes do remate do ano, para dar inicio ás obras no primeiro trimestre de 2012.

Neste sentido Branco Parga explicará cal ten sido a actuación da Xunta de Feijoo noutros concellos en materia de auga e saneamento.

O nacionalista Branco Parga pregunta polos recurtes de actividades no Centro de maiores de Fene

2011-10-11T09:40:00.001+02:00

Logo da asistencia ao Pleno do Concello de Fene dun importante número de persoas usuarias do Centro Sociocomunitario de Fene para trasladar ao alcalde e á corporación a situación de recurtes en actividades no mesmo, dende o Grupo municipal do BNG tomanos nota da problemática e trasladámoslle as demandas do colectivo ao deputado nacionalista, no Parlameto Galego, Fernando Branco Parga.
Concretamente o deputado do BNG preguntou polo orzamento do Centro, en que actividades se gasta, e porque se deixa de colaborar coa Coral Eterna Xuventude. Ademais dos recurtes nas actividades como os talleres de memoria, ximnasia, baile manualidades e a propia Coral, o Centro deixou de contar non úntimos anos de cociña, peluquería e telefono. Na actualidade o centro sociocomunitario xa non cumpre coa función para a que foi creado nin cumpre as expectativas dos propios usuarios.
Os recurtes nestas actividades e instalacións amosan que o Presidente do Goberno Galego minte novamente, xa que afirmou en reiteradas ocasións que non ía haber recurtes en materia social.

O BNG DEMANDA UNHA REVISIÓN A FONDO DAS ORDENANZAS FISCAIS

2011-10-08T10:27:00.001+02:00

“Para os nacionalistas de Fene vai sendo hora que o goberno popular diga o que vai facer nesta materia”
Na xuntanza mantida o pasado xoves 6 de outubro, o concelleiro nacionalista Juventino Trigo reclamoulle ao edil de Facenda, unha revisión a fondo de todas as ordenanzas fiscais e avanzou algunhas das propostas nacionalistas.
Para o BNG non vale “conxelar” ou “IPC” como opcións xerais neste momento cando caen os ingresos de procedencia estatal e autonómica hai que tomarse en serio a revisión das ordenanzas facendo unha lectura das mesmas e actualizando textos e conceptos.
Os nacionalista construímos, coa colaboración dos veciños, un concello cunha ampla base e responsabilidade no ambito fiscal. O noso concello conta con 31 ordenanzas de contido fiscal que regulan diferentes aspectos das actividades e tributos de competencia municipal e polas que o concello recada máis de 5 millóns de euros.
Para seguir avanzando neste sentido e que Fene non quede atrás propomos tres grandes obxectivos :
1- Ampliar e mellorar a súa capacidade recadatoria, coa ampliación de padróns, actualización de tarifas en función dos estudos económicos, e utilización das contribucións especiais para a ejecución de determinadas obras.
2- Favorecer as persoas con menos recursos cun sistema de exencións axustados á actual situación de crise.
3- Dotar de medidas fiscais que favorezan ao tecido productivo local.
Medidas concretas son a inclusión de infraestructuras e equipamentos no padrón do IBI como zonas portuarias e ferroviarias e novas construccións así como un incremento na cota ás naves e baixos comerciais sen uso. A revisión do padrón do lixo e auga para favorecer novas altas. Proporemos a modificación do Imposto de vehículos para deixar exentos aos vehículos históricos e reducir ao 50% aos vehículos eléctricos e de competición. Favoreceremos á hostelaría promovendo un mínimo exento na ubicación de terrazas e un pagamento anual por mesa, mostrador ou barras exteriores, cando se supere o mínimo exento. No aspecto das exención promoveremos baremacións comúns en todas as ordenanzas e unidades na xestións dos expedientes para non burocratizar os procedementos. Ao mesmo tempo proporemos a eliminación do requisito que figura nas actuais ordenanzas de non poder ter un vehículo para optar ás exencións de elementos básicos como a auga e o saneamento.

O BNG PRESENTA A MOCIÓN EN RELACIÓN CO FUTURO DO SECTOR NAVAL NA RÍA DE FERROL

2011-10-01T22:08:00.003+02:00

Os nacionalistas trasladaran á Xunta de Portavoces do vindeiro luns 3 de outubtro a moción nacionalista basada nun texto xa consensuado polas forzas parlamentarias galegas.

O portavoz do BNG no concello fenés, Manuel Polo, agarda que o acordo sexa unánime como se ten dado noutras institucións.

Os obxectivos da proposta son ven coñecidos pero por iso non deixan deser cada vez máis urxentes na súa aplicación debida á inminente falta de traballo tanto en en Ferrol como en Fene.

Acordos:

1.- Esixir á SEPI que elabore e impulse un Plan de Traballo para asegurar a carteira de traballo dos estaleiros públicos da Ría de Ferrol. Dito plan terá entre os seus obxectivos garantir o mantemento dos postos de traballo directos e indirectos en ditos estaleiros.

2.- Contemplar como unha prioridade estratéxica na axenda exterior do Goberno para captar inversión na economía española, a consecución de contratos cos estaleiros da Ría de Ferrol.

3.- Dar cumprimento ao compromiso adquirido polo Goberno do Estado de contratar a construción nos estaleiros de Navantia da Ría de Ferrol, da VI fragata F100 para a mariña española.

4.- Negociar no ámbito da Unión Europea a eliminación das limitacións que actualmente pesan sobre os estaleiros de Navantia para poder operar plenamente no campo da construcción civil e en particular a limitación que pesa sobre o estaleiro de Fene para que poida construir buques.

5.- Promover no ámbito da Unión Europea medidas de carácter temporal que teñan en conta a especificidade do sector naval que contribúan a superar a crise que actualmente padece o sector.

6.- Esixirlle á Xunta de Galiza que colabore coa SEPI no cofinanciamento e desenvolvemento dun centro de reparacións de Navantia na Ría de Ferrol, de acordo co “Contrato con Ferrol” exposto polo presidente Nuñez Feijoo en 2009.

7.- Impulsar a construcción dun dique flotante que permita que o centro de reparacións de Navantía na Ría de Ferrol poida ofertar tamén a reparación e transformación de grandes buques, encomendando a construción do mesmo aos propios estaleiros de Navantia na Ría de Ferrol.

Non a esta reforma da constitución!!!

2011-08-31T09:24:00.002+02:00

NON A ESTA REFORMA DA CONSTITUCIÓN

As decisións tomadas desde que se iniciou o actual período de crise económica, alén de afectar o benestar das maiorías sociais, están a situar ao pé dos cabalos a democracia e o dereito á soberanía e o autogoberno dos pobos.

O acordo alcanzado para acometer unha reforma constitucional “exprés” vén precedido dunha actividade especulativa desmedida contra as emisións de débeda pública, e de requirimentos formulados desde o Banco Central Europeo, unha institución monetaria cuxo funcionamento e sistema de escolla dos seus representantes carecen de lexitimidade e control democráticos.

Ao longo dos últimos anos vimos sufrindo as consecuencias que a ríxida política de redución do gasto público provoca ás persoas en situación máis desfavorecida e no deterioro de servizos públicos básicos, como a sanidade, os servizos sociais ou o ensino, ben como á nula contribución para a recuperación económica.

Agora xa non se pretende que esa política sexa unha escolla, senón unha obrigación contida nun mandato constitucional, que limitará a capacidade de financiamento necesario para manter e mellorar os servizos públicos e sociais básicos.

O autogoberno da Galiza vese así severamente limitado, ao ser sometido á asunción obrigatoria de regras inspiradas en dogmas económicos fracasados, cuxa maior preocupación é satisfacer a cobiza de lucros ilimitados en vez de procurar a redución das desigualdades sociais.

Alén diso, semella unha burla á cidadanía que os mesmos que sempre negaron a posibilidade de reformas constitucionais democratizadoras, que permitisen o recoñecemento do carácter plurinacional do Estado e, por tanto, o exercicio do dereito das nacións ao pleno autogoberno, sexan os que agora promoven esta mudanza regresiva e antipopular.

Ao intenso ataque ás conquistas sociais atinxidas, vén sumarse unha agresión á democracia, ao consolidar legalmente un único pensamento económico e facelo sen transparencia, nin a necesaria reflexión, amplo debate e, finalmente, consulta pública con todas as garantías de que se respecte a vontade democrática dos pobos.

En atención a todo o anteriormente exposto, propomos este manifesto á cidadanía galega.

Os abaixo asinantes dirixímonos aos Presidentes do Congreso dos Deputados e do Senado, EXIXINDO:

A RETIRADA DO ACTUAL PROPOSTA DE REFORMA CONSTITUCIONAL PACTADA POLO GOBERNO CENTRAL, PSOE E PP

A CELEBRACIÓN DUNHA CONSULTA PÚBLICA SOBRE OS LÍMITES DO GASTO PÚBLICO

A CAPACIDADE DE DECIDIR, EN DEFENSA DA SOBERANÍA E O AUTOGOBERNO DOS POBOS, DA DEMOCRACIA, E DOS DEREITOS SOCIAIS

OUTRA POLÍTICA ECONÓMICA A PROL DAS MAIORÍAS SOCIAIS E NON DOS MERCADOS.

O BNG DEMANDA UN USO AXEITADO DA PÁXINA WEB MUNICIPAL

2011-08-18T13:53:00.002+02:00

“A opinión do PP non é información, e o espazo web www.fenecidadan.net é do pobo de Fene”

Os nacionalistas de Fene veñen de rexistrar un escrito no que reclaman ao Alcalde, o popular Gumersindo Galego, que non fagan do espazo de Novas da Web municipal un lugar de opinión partidaria.

A páxina www.fenecidadan.net está concevida como un lugar de comunicación onde os propios partidos temos un espazo propio para facer as nosas achegas.

Para o BNG non é de recibo que se utilice o espazo das novas para criticar a postura do BNG fronte aos orzamentos mentras gaban a PSOE e IU.

O PP conta co seu espazo na web para dar todo tipo de opinións e propostas, que deben estar loxicamente diferenciadas do que é información á cidadanía.

O portavoz do BNG, Manuel Polo lamenta “que o PP caiga no mesmo que lle criticou na pasada lexislatura ao PSOE, algo que nunca se lle poido achacar ao BNG mentres estivo no goberno”.

Ademais desde o Grupo municipal tamén solicitamos a actualización do espazo Web das Actas e Acordos que se atopan paralizados e nos que se pode acceder aos debates municipais sen interpretacións de parte.

http://www.fenecidadan.net/actualidade/nova.php?id=2076&lg=gal

O goberno estuda a posibilidade de chegar a un convenio co Concello de Fene polo radar fixo das Pías

2011-08-10T14:31:00.005+02:00

Na resposta ao deputado nacionalista Francisco Jorquera tamén indican que o aparello sumou 51.933 multas nos anos 2008, 2009 e 2010.

O goberno descoñece a canto ascende a recadación.

Os nacionalistas de Fene instarán por escrito ao alcalde que acelere os trámites para chegar a un acordo co Ministerio do Interior na xestión do radar fixo.

Desde o BNG lamentamos que o anterior alcalde fenés Ivan Puentes non tivera feito nada ao respecto da invasión de competencias da DGT no noso concello ao situar o radar nun tramo urbano tal e como sinala a sentencia emitida a principios deste ano por un xulgado da Coruña.

Puentes foi coñecedor da discrepancia de competencias no ano 2009 cando se inicou o expediente do recurso á multa xa que o denunciado se dirixiu ao concello para coñecer a titularidade e as características da vía na que se sitúa o radar.

Para o BNG tal e como xa dixera na campaña electoral Juventino Trigo “ é necesario que o concello chegue a un acordo coa DGT e investir parte da recadación en melloras nas estradas e camiños de Fene, comezando pola propia N-651 que carece de beirarrúas dende a Porta do Sol ao cuartel da Garda Civil”.

Hai que lembrar que esta estrada foi durante moitos anos a única vía de acceso á parte norte da ría sufrindo a xente de Fene un tráfico inmenso. É tempo de mudar a situación e que a Avenida das Pías e a Avenida Naturais e a Porta do Sol sexan na práctica espazos para os veciños con beirarrúas, aparcamento e seguridade viaria propias dunha zona urbana.

O ORZAMENTO TEN QUE SERVIR AOS VECIÑOS E VECIÑAS

2011-08-09T12:44:00.003+02:00

O Concello de Fene atópase co orzamento prorrogado do ano 2010

O PP leva a comisión de Facenda unha proposta de orzamnetos para este ano calcada á presentada no seu día polo PSOE.

Para o BNG, o orzamento ten que servir para extender servizos básicos como a rede de auga e saneamento, o arranxo de camiños e rúas, favorecer a creación de emprego e ampliar a atención ás persoas con dependencia, estas serán as nosas premisas.

O BNG, a través do seu portavoz Manuel Polo, demandou transparencia nas contas. “Xa que comenza un novo mandato que menos que saber como están as contas municipais”.

Os nacionalistas sabemos que hai 597.000 € en facturas de anos anteriores sen pagar. Por outro lado, descoñecemos os gastos realizados polo goberno de Puentes no primeiro cuatrimestre do ano, pero todo fai pensar que foi moi por riba do realmente consigando, polo que a débeda a provedeores pode estar realmente en máis de 700.000€.

O PP amosa a súa falla de proxecto asumindo con naturalidade o documento elaborado polo anterior goberno de Puentes.

PP e PSOE impiden o debate da moción sobre as comisións bancarias abusivas presentada polo BNG

2011-08-05T14:27:00.000+02:00

No pleno ordinario de agosto, celebrado onte no concello de Fene, socialistas e populares sumaron os seus votos para impedir o debate da moción presentada polos nacionalistas. A paupérrima argumentación esgrimida foi que “carecía de urxencia”. No BNG, entendemos que a aplicación abusiva e unilateral das entidades financeiras sobre todo tipo de contas correntes e de aforro é algo urxente, que lle preocupa á xente, e que precisa unha resposta contundente por parte dos representantes da cidadanía.

Plenos coma o de onte reflicten cal vai ser a tónica futura do Concello de Fene. Unha sesión sen máis que dous asuntos ( aprobación de actas e un tema de persoal que viña votado por unanimidade da Comisión informativa) e que durou 37 minutos grazas ás preguntas e aos rogos do BNG e ao propio debate da urxencia da única moción presentada.

O alcalde, o popular Gumersindo Galego, amosa un talante moi pouco democrático e de escasa elegancia. No seu segundo Pleno ordinario impide o debate dunha moción presentada o mesmo día da convocatoria, 1 de agosto, e á que todos os grupos tiveran acceso e posibilidade de estudar.

Canto ao Partido Socialista, a súa actitude só pretende impedir que se visualice que o BNG leva a iniciativa no Pleno de Fene.

O BNG DE FENE REXISTRA UNHA MOCIÓN PARA O CONTROL DAS ABUSIVAS COMISIÓNS BANCARIAS

2011-08-01T17:51:00.002+02:00

Os nacionalistas demandarán, no Pleno ordinario do vindeiro xoves, un control das administarcións dos abusos das entidades financieiras.

As comisións que as entidades financeiras repercuten aos usuarios e usuarias experimentaron unha subida significativa en plena crise económica, de maneira especial ao longo dos últimos meses. Ao tempo que as entidades bancarias seguen acumulando beneficios, que ascenderon a 3.174 millóns de euros no primeiro trimestre deste ano, tamén se detectou un notábel crecemento das comisións bancarias. As estatísticas do Banco de España reflicten un incremento medio de todas as comisións bancarias, que mesmo se acentuou en só un mes (desde maio a xuño deste ano), con incrementos que van desde o 6 ao 14,28%, comisións por mantemento de contas correntes ou de aforro que se están estandarizando ao redor dos 30 euros anuais, gravando mesmo con cantidades adicionais a contas de saldos medios inferiores a 2.000 euros.

Tamén coincide esta subida coa restrición no acceso ao crédito para a maioría de persoas, de dificultades para obter financiamento tanto por parte de empresas, emprendedores como particulares.

A subida das comisións bancarias, no caso do mantemento de contas correntes ou de aforro, que deberían estar exentas, convértense en abusivas polo feito de poder dispor as entidades do diñeiro depositado e con iso xerarlles beneficios.

A aplicación de cláusulas abusivas e inxustas por parte das entidades financeiras non pode ser consentida de maneira indefinida. A afectación e as consecuencias negativas que supoñen para millóns de persoas a continuidade desas prácticas bancarias ilegais, confírenlles un interese público e social que e obrigan a que as institucións competentes, tanto o Goberno Central, que exerce a supervisión de todo o sector financeiro, como a Xunta de Galiza, á que lle corresponde dita supervisión no ámbito das caixas de aforro, encaren a situación e adopten medidas con carácter urxente en defensa do devandito interese por iso, solicitamos do Pleno da Corporación municipal a adopción do seguinte

ACORDO

Instar á Xunta de Galiza, e para que a súa vez inste, tamén, ao Goberno do Estado a:

1. Adoptar as medidas necesarias para impedir que mentres se manteña a situación de crise económica se produzan aumentos das comisións que aplican as entidades financeiras.

2. Realizar unha supervisión das comisións das entidades financeiras, estabelecendo límites máximos por cada comisión en función de parámetros obxectivos que teñan en conta o custo real do servizo prestado.

3. Obrigar ás entidades financeiras a ofrecer de forma transparente o importe das comisións polos distintos servizos.

4. Aprobar de forma inmediata as normas legais precisas para evitar que por parte das entidades financeiras se manteña o cobro abusivo en concepto de mantemento ou administración de contas correntes ou de aforro, e a obrigar á devolución das cantidades ingresadas en caso de persistir na dita práctica.

2011-06-28T09:12:00.003+02:00

A Asemblea do BNG de Fene está a informar por carta a todos os veciños e veciñas de Fene dos motivos do seu voto no pleno de investidura do goberno do pasado 11 de xuño. Posto que durante o pleno non tivemos a palabra, cremos necesario explicar a proposta do BNG e o proceso seguido desde o día das eleccións ata o do pleno.

O BNG QUERE QUE O CONSELLEIRO DE EDUCACIÓN ATENDA AS DEMANDAS DE FENE

2011-06-23T09:37:00.001+02:00

O Grupo municipal do BNG a través da concelleira Rita Mª Couto ven de rexistrar unha solicitude ao Alcalde de Fene para que á maior brevidade se cumpran os acordos da moción aprobada polo Concello Pleno o pasado 17 de xuño e que xestione unha xuntanza cos representantes do CIFP de Fene e os partidos políticos co Conselleiro de Educación para revertir a situación publicada no DOG de 15 de xuño na que se eliminan os ciclos formativos de grao superior deste centro fenés. No mesmo escrito, os nacionalistas tamén instan ao alcalde a que xestione unha xuntanza cos representantes das ANPAS de Barallobre e Os Casais e os grupos políticos co Conselleiro de Educación para arranxar os problemas que se están a xerar coa reducción de profesorado nestes centros. A consecuencia máis relevante é a agrupación de diferentes cursos nunha mesma aula.

Para o BNG a Consellería de Educación está a actuar dun xeito autoritarío e sen argumentos pedagóxicos nin técnicos. Son recortes no sistema público de ensino no noso concello sen comparación a ningún outro.

Ante esta situación hai que pasar das palabras aos feitos e actuar na defensa dos intereses dos nosos veciños e veciñas.

Carta aberta á sociedade de Juventino Trigo

2011-06-17T17:41:00.004+02:00

Cada día estou máis sorprendido, e ao mesmo tempo, máis contrariado.

Na miña presentación como candidato a alcaldía de Fene, o pasado 11 de marzo, dixen que un dos motivos que me levaron a presentarme a estas eleccións era que estaba farto dos políticos que din unha cousa e logo fan outra.

Durante a campaña electoral, sempre que se nos preguntou sobre posibles pactos, fomos cautos, e fixemos saber que a nosa decisión estaba moi condicionada polo modelo de traballo do PSOE de Fene ao longo dos catro anos que acababan de pasar. A pesar diso, os nosos militantes/simpatizantes, e os veciños e veciñas de Fene serían fundamentais na nosa decisión.

Pasadas as eleccións, o resultado está aí. Gran parte do pobo de Fene deulle as costas ao alcalde e o seu goberno avaliando moi negativamente o traballo realizado durante o mandato.

Dende que fixemos a Asemblea Local da que derivou o acordo, comunicamos publicamente que íamos presentar a nosa propia candidatura á alcaldía.

Esa información trasladóuselle ao resto dos grupos, e fíxose pública na prensa, redes sociais, blog, etc. Mantivéronse reunións e negociouse con todos os partidos. As posturas non se achegaron. Baralláronse varias alternativas, pero non foi posible o acordo. O PSOE quería a alcaldía ou nada.

Agora, algunhas persoas sorpréndense porque cumprimos a nosa palabra; tanto os que nos apoian e felicitan efusivamente coma os que se “escandalizan”. ¡Xa ninguén cre nos políticos! Parécelles incríbel que algúns políticos cumpramos o que dicimos. Pero como afirmamos durante toda a campaña, ¡non todos somos iguais!

O peor de todo é a actitude de quen perde as eleccións. A culpa é de todos menos deles.

Autocrítica e sinceridade, son dous elementos imprescindíbeis para avanzar en todas as facetas da vida, tamén na política e no persoal. Aprender iso é mellor que calquera resultado electoral.

O ex-alcalde de Fene, coa súa actitude caprichosa, demostra que aínda non entendeu a mensaxe que lle deu o pobo de Fene. O mesmo pobo que quixo a Pepe Rivera 28 anos quedou farto de Ivan Puentes en 4. No BNG estamos co pobo.

Juventino Trigo
Candidato a Alcaldía de Fene polo BNG
Venres, 17 de xuño de 2011

Juventino Trigo será proposto como alcalde de Fene no vindeiro pleno de conformación de goberno

2011-06-04T12:59:00.003+02:00

Por decisión da Asemblea Local celebrada este venres 3 de xuño, os cinco concelleiros/as acadados polo BNG nas pasadas eleccións do 22 de maio proporán a investidura do seu propio candidato á alcaldía, Juventino Trigo, e buscarán o apoio das demais forzas para esta fin. Unha vez analizados os resultados electorais, nos que o BNG mantivo a súa representación e aumentou a porcentaxe de voto e o Partido Socialista perdeu 8 puntos e 2 concelleiros, o empate a 5 coloca ao BNG nunha posición de responsabilidade para presentar a súa candidatura. Unha candidatura que é a única con capacidade para liderar un goberno alternativo ao do Partido Popular.

Así o decidiu a Asemblea Local reunida este venres 3 de xuño. Unha asemblea na que destacou a participación –acudiron unhas oitenta persoas- e a postura case unánime de non apoiar ningún tipo de pacto co PSOE, dado que este foi o partido claramente perdedor das pasadas eleccións, baixando a súa representación en 2 concelleiros, perdendo máis de 800 votos e recibindo o castigo da veciñanza despois dun goberno inactivo, distante e alonxado da cidadanía.

Canto ao Partido Popular, que acadou 6 concelleiros/as, conta cun programa de goberno que foi ocultado durante a campaña e que vai conlevar o peche de tres colexios públicos (Os Casais, Limodre e Sillobre) e do centro de saúde de Maniños, así como a implantación de políticas de dereitas e totalmente contrarias ás políticas sociais e para as persoas que definen ao BNG.

O BNG, pola súa parte, conta cun equipo moi capacitado para gobernar e cun programa de goberno claro e definido, elaborado coa colaboración de todo o tecido asociativo de Fene. Un proxecto de futuro e ilusionante que, por decisión de militantes e simpatizantes do BNG, será presentado ás demais forzas políticas como proposta de goberno para o Concello nos vindeiros catro anos.

Unha proposta que, de saír adiante, traducirase nun goberno baseado no diálogo e no consenso con todas as forzas, tal e como nos ten marcado a cidadanía cos resultados electorais do pasado 22 de maio.

O BNG sabe, quere e pode gobernar Fene

2011-05-06T18:05:00.001+02:00

O BNG de Fene celebrou a pasada noite o inicio da campaña electoral coa tradicional pegada de carteis. O candidato á alcaldía, Juventino Trigo, acompañouse da candidatura e da militancia para iniciar xuntos os quince días de intenso traballo que restan ata o día das eleccións.

Unha vez feita a rolda de contactos coas sociedades de Fene para elaborar o programa, e presentada a candidatura publicamente, o BNG de Fene disponse agora a facer unha campaña axeitada á súa forma de traballar: falando coas persoas e escoitando aos veciños e veciñas.

Juventino Trigo e Secundino García falarán en Magalofes sobre a Lei de Augas

2011-05-02T12:04:00.001+02:00

O local social de Malofes acolle a charla este luns, 2 de maio, a partir das 19.30 horas

Dado o interese da poboación en coñecer todos os detalles da Lei de Augas de Galiza, e ante a falta de información convecional sobre ela, o BNG de Fene organiza unha nova charla informativa para aclarar todos os detalles sobre esta norma aprobada pola Xunta de Galicia presidida por Núñez Feijóo.

O candidato á alcaldía fenesa, Juventino Trigo, acompañarase nesta ocasión do alcalde e candidato de San Sadurniño, Secundino García Casal.

As presións realizadas nos últimos meses están a dar os seus resultados, e cada semana temos novidades ao respecto. O martes, 3 de maio, o BNG defenderá no Parlamento de Galiza unha proposición de lei para derrogar a Lei de augas. Unha proposición que se acompañará de todas as firmas recollidas ata o de agora e das poidamos seguir recollendo.

A candidatura do BNG de Fene preséntase en sociedade cun acto festivo

2011-04-28T13:06:00.000+02:00

Na Casa da Cultura soará a música en vivo este venres 29 a partir das 19:45

O BNG de Fene presenta á sociedade unha candidatura renovada, encabezada por Juventino Trigo e composta por 11 homes e 11 mulleres entre os que a media de idade non supera os 40 anos. Unha candidatura formada por persoas diversas e dispostas a pór a disposición da veciñanza de Fene a súa profesionalidade e capacidade de traballo.

Na presentación, mañá venres 29 de abril, intervirán o candidato maior (Francisco Permuy, de 60 anos e veciño de Magalofes), o máis novo (Néstor Fernández, de 20 anos e veciño de Perlío) e máis os cinco primeiros/as (Xusto Martínez Ardá -Fene-, Inés Roca -Maniños-, Manuel Polo -Perlío-, Rita Couto -Maniños- e Juventino Trigo -Perlío-), e o acto estará amenizado por unha repichoca de músicos feneses.

A candidatura do BNG de Fene compóñena homes e mulleres preparados e preparadas para gobernar e con novas enerxías para afrontar un goberno con moitas cousas por facer despois de catro anos de parálise.

Encabezadas por Juventino Trigo, home independente e profesional da xestión, na candidatura aparecen caras novas e tamén outras xa coñecidas entre a sociedade polo seu bo facer como concelleiros/as de goberno e tamén de oposición. En definitiva, o equipo que devolverá a Fene o lugar que lle corresponde na comarca como Concello dinámico, que escoita aos veciños e veciñas e que destaca pola súa actividade cultural, deportiva, de igualdade e de xeración de emprego.

A festa continuará nunha cea no restaurante Tortoni de Fene onde teñen confirmada a asistencia un cento de simpatizantes e militantes nacionalistas.

Juventino Trigo e Ana Pontón informarán en Fene sobre a paralización da segunda escola infantil e do centro de día para maiores

2011-04-27T13:40:00.001+02:00

A charla terá lugar o xoves na Casa da Cultura a partir das 19:30 horas

O Bloque Nacionalista Galego quere informar á sociedade de Fene da situación de parálise na que se atopa o Concello no eido dos servizos sociais desde que o Partido Popular goberna na Xunta de Galiza. O candidato á alcaldía, Juventino Trigo, a deputada parlamentar, Ana Pontón, explicarán este xoves aos veciños e veciñas por que non está feita a segunda Galescola en Barallobre, ou o Centro de Día para persoas maiores. Dúas infraestruturas que a Xunta gobernada polo bipartito, a través das xestións da entón concelleira de Benestar Social, a nacionalista Rita Couto, deixara preparadas para executar e que, a día de hoxe, dous anos despois, continúan no mesmo punto. Por outra banda o delegado da CIG do centro para discapacitados adultos Souto de Leixa, Adriano Castet, explicara cun caso práctico o tipo de políticas privatizadoras da Xunta de Feijoo.

Ademais, Trigo e Pontón falarán do desenvolvemento da Lei de Dependencia en Galiza e en Fene en particular, ademais do funcionamento de outros servizos como a axuda a domicilio ou o programa Xantar na Casa ou o transporte adaptado, posto en marcha tamén pola concellería de Benestar de Fene, rexentada entón polo BNG, en colaboración coa Xunta de Galiza.

Uns servizos sociais públicos e de calidade son, para o BNG, un dos alicerces básicos nos que se apoia o benestar e a calidade de vida das persoas. Tal e como recoñece a Lei de Dependencia, as políticas sociais son un dereito universal das persoas e non un acto de beneficencia, polo tanto, relegar a un segundo plano a dotación de servizos sociais ás persoas que viven nun concello é negarlles os seus dereitos.

Así o entende o BNG e, para explicalo e dar a coñecer as súas propostas de cara á nova lexislatura municipal que se achega, convida a todos os veciños e veciñas a acudir mañá xoves 28, ás 19:30 horas, á Casa da Cultura de Fene.

UN EQUIPO DE PRIMEIRA PREPARADO PARA GOBERNAR

2011-04-20T15:19:00.006+02:00

O BNG de Fene presenta á sociedade unha candidatura renovada na que a media de idade non supera os 40 anos. Unha candidatura formada por persoas diversas e dispostas a pór a disposición da veciñanza de Fene a súa profesionalidade e capacidade de traballo. Homes e mulleres preparados e preparadas para gobernar e con novas enerxías para afrontar un goberno con moitas cousas por facer despois de catro anos de parálise. Encabezadas por Juventino Trigo, home independente e profesional da xestión, na candidatura aparecen caras novas e tamén outras xa coñecidas entre a sociedade polo seu bo facer como concelleiros/as de goberno e tamén de oposición. En definitiva, o equipo que devolverá a Fene o lugar que lle corresponde na comarca como Concello dinámico, que escoita aos veciños e veciñas e que destaca pola súa actividade cultural, deportiva, de igualdade e de xeración de emprego.

Candidatos/as:

1.- JUVENTINO JOSE TRIGO REY

2.- RITA MARIA COUTO SEIJIDO

3.- MANUEL POLO GUNDIN

4.- INES ROCA REQUEIJO

5.- JUSTO MARTINEZ ARDA

6.- ALEJANDRA PERMUY MEIZOSO

7.- ALBERTO LUIS MACEIRAS PEDREIRA

8.- JOSEFINA LOPEZ PICO

9.- EDGAR ANTONIO VIGO LOPEZ

10.- MARIA DIGNA FARALDO PURRIÑOS

11.- FRANCISCO JAVIER RIVEIRO LOPEZ

12.- PAULA GONZALEZ PAZOS

13.- FRANCISCO MANUEL PERMUY GOMEZ

14.- FRANCISCA RODRIGUEZ PEREIRA

15.- DOMINGO BERNARDO ANTON SANCHEZ

16.- MARIA PILAR FREIJOMIL PEREZ

17.- NESTOR FERNANDEZ FARALDO

Suplentes:

1.- MARIA DE LA O ROMERO CASTRO

2.- JOSE ANTONIO GARCIA BELLO

3.- JOSEFA VICENTA LEAL CASAL

4.- MANUEL VIDAL ARDAO

5.- ANA ISABEL SANTIAGO LOPEZ

Trigo e Lobeira falarán en Barallobre sobre a ría de Ferrol

2011-04-18T14:50:00.001+02:00

O candidato á alcaldía de Fene, Juventino Trigo, acompañarase do deputado Bieito Lobeira para informar aos veciños e veciñas sobre a situación na que se atopa a nosa ría, unha das máis perxudicadas pola contaminación, que afecta de xeito directo ao sector marisqueiro, do que viven centos de familias fenesas.

Ás oito da tarde, no local da Liga de Amigos de Barallobre, dará comezo esta charla informativa na que tamén vai estar presente o biólogo da Confraría de pescadores de Barallobre, Joam Luís Ferreiro Caramés.

A recuperación da salubridade da ría e a inmediata posta en marcha da depuradora foron e van seguir sendo obxectivos prioritarios no traballo do BNG, que entende a defensa dos sectores produtivos e do medio ambiente como garantía de futuro, riqueza natural e saúde para a comarca e para Galiza en xeral.

Juventino Trigo confirmará así o seu compromiso co sector marisqueiro para as vindeiras eleccións municipais, un dos sectores máis importantes de Fene dado que da súa explotación viven centos de familias. Ademais, trátase dunha actividade que podería medrar e dar vida a máis familias se a ría lograra recuperar as súas condicións naturais e deixara de estar catalogada como zona C, algo que depende en gran medida dunha decisión política que poña en marcha por fin a depuración.

O Concello de Fene debe máis dun millón de euros a empresas e entidades

2011-04-08T09:49:00.001+02:00

O goberno socialista só poderá aprobar facturas por 473.000, deixando a deber parte das do ano 2009 e todo o 2010, que ascenden a máis de 600.000€

O Concello de Fene conta con facturas pendentes de pago dende o ano 2008 que ascenden a 1.099.000 €, a meirande parte delas adebedadas a pequenos provedores do municipio. Para o BNG, segundo declarou o candidato á alcaldía, Juventino Trigo, “é intolerábel a total improvisación na xestión económica do Concello, que trae consigo serios problemas para a pequena e mediana empresa nestes tempos de crise”.

O informe da intervención municipal indica que o actual goberno factura obras e servizos sen contrato e sen control algún, e que cada concellaría encarga traballos sen saber se dispón de diñeiro para pagalos, sen pedir orzamentos e sen xestionar o seu pagamento. Para Juventino Trigo “non se pode entender que haxa tantas empresas pendentes de cobrar dende 2008 e que, por riba, nin se expliquen os contidos dos gastos”.

Ademais desta situación anormal, o Concello segue sen orzamento municipal para 2011, o que complica máis o pagamento de gastos comprometidos. A herdanza para a vindeira corporación será de 600.000 € en facturas pendentes de pago e de 3.000.000 € en créditos, o orzamento prorrogado e uns ingresos inferiores aos de 2007. Para o candidato nacionalista supón “un punto de partida complicado pero que ten solución cunha xestión adecuada e co traballo dun equipo competente coma o do BNG de Fene”.

Como dato obxectivo e comprobábel temos que no ano 2007 pechouse o exercicio cunha cantidade de 25.000 € pendentes de pago para 2008. Desde ese ano, o goberno de Puentes só foi capaz de aprobar os orzamentos de 2008 e 2010, ambos no verán con 8 meses de retraso sobre as datas legais, obstruíndo na práctica todo tipo de pagamentos por falla de tempo.

O BNG pregunta por escrito desde cando coñecía Puentes os problemas do radar das Pías

2011-04-06T08:17:00.001+02:00

Para os nacionalistas de Fene, o radar debera ser xestionado polo propio Concello

A concelleira nacionalista Rita Couto vén de rexistrar un escrito onde pregunta ao alcalde de Fene, Iván Puentes, desde cando ten coñecemento da existencia dos problemas de instrución dos expedientes sancionadores emitidos pola DGT en base aos controis de velocidade efectuados polo radar fixo das Pías.

Ademais, no mesmo documento se pregunta ao alcalde se fixo algunha xestión co Ministerio do Interior relativa a este asunto ou se tratou o tema nalgunha Xunta Local de Seguridade.

Para os nacionalistas de Fene a Xunta Local de Seguridade está precisamente para delimitar traballos e competencias no ámbito territorial do concello, ademais de procurar a colaboración en temas como o tráfico ou a seguridade cidadá.

Por último desde o BNG lamentamos un novo episodio de desinformación do alcalde de Fene, xa que, unha vez máis, coñecemos este problema a través dos medios de comunicación e non polo propio goberno local, o que demostra unha actitude de pasotismo absoluto nun tema de tanta importancia.

Para o BNG, tal e como declarou o candidato á alcaldía, Juventino Trigo, o radar das Pías debera ser xestionado polo Concello a través dun acordo co Ministerio, de tal xeito que “ou recada para Fene, ou non recada”.

Juventino Trigo aposta por xestionar o radar das Pías desde o Concello

2011-04-05T08:53:00.003+02:00

O candidato á alcladía de Fene polo BNG, Juventino Trigo, sabe o que quere facer co radar de tráfico situado na Avenida das Pías. Lonxe de facer seguidismo do Ministerio do Interior, como o alcalde socialista, Trigo ten claro

que o radar de control de velocidade, “ou recada para as arcas municipais, ou non recada”.

Tal e como declarou o o candidato do BNG, “non é tolerable que desde os diferentes ministerios se trate ao concello de Fene como unha administración menor”. A estrada N-651 é de competencia estatal, pero o mantemento da mediana e das beirarrúas é municipal, así como a competencia de control do tráfico, da seguridade viaria e da regulación e a asistencia no caso de accidentes.

Ante unha evidencia deste calibre, que vén de ser confirmada pola recente sentencia a favor dun automobilista que declarou incompetente ao Ministerio do Interior para ter un radar na Avda.das Pías, desde o BNG entendemos que o radar ten que ser unha ferramenta positiva para o Concello e non un mero elemento recadatorio do Ministerio (hai que ter en conta que é un dos que máis recadan de todo o Estado).

Juventino Trigo asegura que “cunha boa xestión, os veciños e veciñas de Fene poden saír beneficiados dun acordo entre Concello de Fene e Ministerio do Interior en pé de iguladade”.

O gasto telefónico no Concello de Fene aumentou nun 40% co goberno do PSOE

2011-03-30T08:58:00.002+02:00

O balance de contas do pasado 2010 deixa en evidencia, unha vez máis, a incompetencia e o engano do goberno do Partido Socialista en Fene, que, como ten declarado o candidato á alcaldía polo BNG, Juventino Trigo, “ten o costume de dicir unha cousa e facer outra”. A pesar de que o alcalde anunciara unha redución do gasto telefónico en 2009, esta non só non se produciu, senón que se incrementou nun 40% con respecto á lexislatura anterior do BNG.

No mes de xullo de 2009, o alcalde Iván Puentes anunciara unha redución do gasto en telefonía do Concello, que na lexislatura anterior, encabezada polo BNG, estaba nos 53.000 €/ano. Porén, lonxe de acadar a redución anunciada, a liquidación do orzamento de 2009 desvelou que se bateran todos os récords, achegándose aos 80.000 euros anuais.

Na liquidación do orzamento do 2010, o gasto en teléfonos volve a ser de 78.511,49 € , que lonxe de supor un aforro nas contas municipais, supón un incremento dun 40% con respecto a lexislatura anterior. .

Para o candidato á alcaldía do BNG, Juventino Trigo, evidéncianse dúas cuestións. A primeira é que o goberno do PSOE é incapaz de xestionar un aforro en gasto corrente no Concello, e a segunda é que, a pesar de non ter iniciado ningunha obra dos plans provinciais desde que chegaron ao goberno, si que se fan chamadas telefónicas que, claramente, non son para xestionar servizos para os veciños e veciñas de Fene.

O BNG de Fene instará á corporación municipal a posicionarse en contra das nucleares

2011-03-23T10:55:00.001+01:00

Fene declarouse zona desnuclearizada en 1983

O grupo municipal do BNG de Fene levará ao vindeiro pleno unha moción na que solicita a todos os grupos políticos a que se posicionen en contra do fomento da enerxía nuclear en Galiza como fonte de recursos alternativa.

O Concello de Fene declarouse zona desnuclearizada en outubro de 1983 ao aprobar a Corporación unha moción presentada polo BNG. Para os nacionalistas, toda Galiza debera ser declarada zona desnuclearizada, evitando así posíbeis intentos de implantación de centrais ou cemiterios nucleares no país.

Por isto, e ante a reapertura do debate nuclear derivada da catástrofe ocorrida en Xapón, o BNG instará á corporación fenesa, no pleno ordinario do 7 de abril, a adoptar o seguinte acordo:

1. Reafirmar a declaración do noso concello como zona desnuclearizada.

2. Adherírmonos como Corporación municipal ao acordo do Parlamento de Galiza de 6 de setembro de 2006,

Instando á Xunta de Galiza a que:

2.1.-Se dirixa ao goberno do Estado para que se leven adiante as actuacións necesarias co fin de que Galiza sexa de maneira efectiva territorio desnuclearizado.

2.2-.O alcance desta declaración implicará:

· A prohibición de localizar no territorio galego un cemiterio nuclear ou depósitos de almacenamento de residuos nucleares.

· A prohibición de que en Galiza se constrúan centrais nucleares.

· Continuar co impulso de políticas de aforro e eficiencia enerxética, ademais de incrementar o uso de enerxías renovábeis no noso modelo enerxético.

3. Comunicar este acordo aos grupos parlamentares de Galiza

Para o BNG, Galiza non necesita ningunha central nuclear. O noso país exporta na actualidade máis da terceira parte da electricidade que xera. Os galegos e galegas poderiamos satisfacer as nosas necesidades de electricidade cun baixo impacto ambiental promovendo o aforro e a eficiencia enerxética, desenvolvendo con garantías de respecto ao medio natural as enerxías renovábeis.

A enerxía nuclear non é o futuro e atópase en declive practicamente en todo o mundo, e non representa unha enerxía respectuosa co medio ambiente e coa saúde das persoas. As centrais nucleares contaminan en todas as fases e supoñen un risco evidente e contrastado para a saúde das persoas, sobre todo en caso de accidentes. O problema de tratamento dos residuos segue pendente, dado que manteñen a súa radiactividade e perigo durante 250.000 anos.

É falso que a enerxía nuclear sexa un medio máis barato para a produción de enerxía eléctrica. É preciso calcular o custe incluíndo todo o proceso, que vai desde a extracción do uranio, o seu enriquecemento, as propias centrais nucleares, o reprocesamento do combustíbel e a xestión de residuos.

O BNG propón ao goberno de Fene que invista o superávit en atención ás persoas

2011-03-16T14:05:00.000+01:00

En 2010, os ingresos do Concello ascenderon a 11.240.758 euros e os gastos a 10.768.909

A liquidación do orzamento 2010 do Concello Fene deu como resultado un superávit de 105.746 euros, segundo os datos da oficina de intervención. O alcalde e mailo concelleiro de facenda presumían estes días deste resultado e felicitábanse pola “boa xestión dos recursos públicos e financeiros do Concello en tempos de crise”. Porén, o goberno local ten varias opcións para investir os cartos que, ao parecer, non foron quen de gastar durante o exercicio.

O BNG propón varias opcións. A primeira, ampliar a atención a persoas con dependencia. Os niveis de Fene están moi por baixo de concellos máis pequenos como Valdoviño, Mugardos, San Sadurniño ou Ares. Os servizos socias municipais atópanse estancados e sen un impulso real na aplicación da Lei da Dependencia.

A formación e o emprego é outra necesidade evidente do concello de Fene, que ten sobre 1300 persoas desempregadas, cando hai catro anos estaba nas 850. Neste sentido, o concello pode recuperar os talleres ocupacionais, que levan dous anos inactivos e que funcionaron durante máis de 20 anos formando a centos de mozos e mozas dos que moitos conseguiron un emprego.

Por último, o concello pode facer un bo plan de rebacheos, posto que todo o municipio presenta deficiencias neste sentido ao non ter investido nin un euro dos 2 millóns que deu a Deputación para obras e servizos básicos.

Estas demandas forman parte do documento que o BNG ten presentado o pasado mes de novembro para a confección dos orzamentos 2011, e do que seguimos agardando resposta.

Fene, 15 de marzo de 2010

Juventino Trigo subliña que “o BNG sabe, pode e quere gobernar en Fene”

2011-03-14T09:01:00.004+01:00

Fene, 11 marzo 2011. O portavoz nacional do BNG, Guillerme Vázquez, asegurou hoxe en Fene que nas vindeiras eleccións municipais “o BNG vai a por todas, co ánimo der parar ao PP e de combater a crise dende os concellos”.

Guillerme participou este serán na presentación da candidatura do BNG á alcaldía de Fene, unha lista liderada por Juventino Trigo. O acto, que se celebrou no Círculo Cultural e Recreativo de Perlío, congregou a numerosos veciños e veciñas e representantes do BNG.

A única forza que defende os sectores produtivos de Galiza e Fene

Na súa intervención, o portavoz nacional do BNG salientou que “somos a única forza política que defende o dereito de Galiza a producir, a única que cuestiona a efectos prácticos o veto que pesa sobre Astano e a única que combate politicamente o Decreto do Carbón".

Neste sentido, Guillerme preguntouse "como con 250.000 parados e paradas en Galiza que nos diga o PP como e en que sectores pensa criar emprego, e que nos diga o Goberno do Estado como podemos criar emprego se non fai nada por levantar o veto de Astano e se impulsa un Decreto do Carbón que resolve os problemas de emprego en Asturias e León a costa de destruír postos de traballo en Galiza".

“Cada vez máis xente ten claro que o futuro de Galiza pasa polo BNG”

Por iso, amosouse convencido de que “cada vez máis xente ten claro que o futuro do País pasa por apostar polo BNG, a única forza política que ten o seu centro de decisión en Galiza, a única que non ten que chamar por teléfono a Madrid para saber que facer".

Guillerme concluíu subliñando que “o BNG é a alternativa real ás políticas antisociais que promoven o PP desde o Goberno galego e o PSOE desde o Goberno do Estado, pero temos tamén un balance contrastado de Goberno, temos demostrado alí onde gobernamos que poñemos os concellos ao servizo das maiorías sociais e non dos poderosos".

Juventino Trigo: “O BNG sabe, quere e pode gobernar Fene”

Pola súa parte, o candidato do BNG á alcaldía, Juventino Trigo, fixo fincapé en que “o BNG sabe, quere e pode gobernar en Fene”.

Ademais, denunciou “os incumprimentos e as mentiras do goberno local e do PSOE e do PP con Fene, que xa nos teñen habituados a dicirlle unha cousa aos veciños e veciñas e facer totalmente o contrario”.

Fronte a iso, contrapuxo o proxecto do BNG, “un proxecto que se fixo contando coa participación da sociedade de Fene, e por iso o proxecto do BNG é o proxecto dos veciños e veciñas de Fene”.

Emprego e dependencia, obxectivos do BNG para os orzamentos 2011

2011-03-01T14:52:00.002+01:00

O bng de Fene vén de presentar unha proposta de mellora do documento presentado polo goberno

No BNG apostamos por un orzamento de combate do desemprego e de apoio ás persoas máis desfavorecidas. O actual contexto de crise e a redución en máis de 1.7 millóns de euros do orzamento de ingresos para 2011 fai evidente que o pior da crise está por vir. As medidas adoptadas polos gobernos central e autonómico veñen a castigar máis as economías municipais. Os recortes nas achegas do estado, sumados as devolucións a realizar nos próximos catro anos, agravan máis a situación. Por outra banda, a Xunta non adianta, tal e como prometeu, as achegas para a atención á dependencia.

O documento presentando aos grupos municipais o pasado 3 de febreiro polo goberno de Fene non conta con explicacións políticas suficientes. As intencións do mesmo son rutineiras e carecen de obxectivos, máis alá de someterse ás restricións económicas existentes. Visto que no documento económico de gastos e ingresos só se introducen parte dos nosos criterios e propostas, e logo da xuntanza mantida con alcalde e co concelleiro de facenda, concluímos que, para o BNG, a xestión económica municipal ten que pasar por un rigor, control e seriedade moito maior.

Por isto, propoñemos:

1.-Que se tomen as medidas oportunas para realizar o pagamento de todas as facturas pendentes de exercicios anteriores.

2.-Que se paguen as subvencións a entidades pendentes de anos anteriores.

3.-Que se incrementen as partidas de dependencia vía bolsa de emprego municipal en 100.00€ para atender unhas 30 persoas dependentes máis ao ano.

4.-Que se incremente un 50% a partida e emerxencia social xa que figura conxelada dende 2008 en 39.000 €.

5.- Crear unha partida de 110.000 € para a dotación dunha bolsa de emprego para a contratación de peonaxe de servizos municipal a través dun programa de promoción local do emprego.

6.- Que se axusten os gastos en 248.000 €, fundamentalmente no Capítulo II, mediante axustes nas adxudicacións de servizos e a eliminación de gastos superfluos ou non obrigatorios.

O alcalde de Fene é o máis incompetente da provincia da Coruña

2011-02-28T09:17:00.001+01:00

O Pleno da Deputación da Coruña, celebrado opasado venres 25 de febreiro, non puido completar a aprobación do Plan de Obras e Servizos 2011 para o Concello de Fene por faltar cinco documentos imprescindíbeis para o comezo das actuacións. Un ano máis, Fene é Concello con peor expediente administrativo, o que volve retrasar a execución de obras básicas e de vital importancia para as veciñas e os veciños.

O Plan de Obras e Servizos, aprobado polo pleno provincial de onte, achega investimentos á meirande parte dos Concellos, sendo as bases comúns para todos eles. O gorberno socialista de Fene é o máis incapaz da provincia, xa que non envía toda a documentación precisa para a aprobación destas partidas, como por exemplo, a memoria das obras a realizar neste Plan.

O POS 2011 foi aprobado por todos os grupos, sendo o BNG, un ano máis, o promotor da proposta de actuacións a realizar. Neste Plan contémplanse diversos saneamentos e acometidas de auga potábel en diferentes puntos do concello por un valor de 269.214,89 €.

Por outra banda o Pleno do ente provincial tamén aprobou as obras o Plan de Cooperación cos Concellos relativas ao concello fenés valoradas en 506.978,32€, e que teñen como obxeto a renovación da traída de augas na Avenida Naturais, na Rúa da Fraga, na Rúa Alta e na Rúa da Torre. Este programa PCC foi impulsado pola Deputación para o período 2008-2011, e novamente, o Concello de Fene completa a documentación “in extremis” perxudicando aos veciños polo tempo transcorrido debido a tan deficiente xestión.

POS 2007

As obras pendentes de executar dende o ano 2007, que foran aprobadas polo Pleno provincial o 22 de febreiro do 2007, por fin lograron ter toda a documentación en regra. No BNG lamentamos que, a pesar da nosa insistencia, estas obras non teñen comezado antes. Estamos a falar de 243.464,72 € de achega da Deputación provincial para arranxar varios camiños, así como para realizar a acometida de auga a Almieiras, en Limodre.

O BNG condiciona un posible acordo sobre o orzamento a que o Concello asuma o pagamento das débedas comprometidas

2011-02-17T11:30:00.000+01:00

O documento de proposta de orzamento do goberno local para o Concello de Fene atópase nunha fase moi verde, e ten que mellorar diversos aspectos para podermos chegar a algún tipo de acordo. É a principal conclusión que o grupo municipal do BNG tira da reunión mantida, o venres pasado,co alcalde e o concelleiro de Facenda, primeira reunión convocada para escoitar as propostas do goberno no relativo ao orzamento do ano 2011.

A situación económica do concello non foi desvelada polos socialistas, pero desde o BNG sabemos que milleiros de euros seguen sen pagarse dos exercicios anteriores -2009 e 2010-, facturas a provedores de obras e servizos e subvencións pendentes de pago ao movemento asociativo. Esta queixa está sendo unánime entre as entides fenesas que visitamos na rolda de contactos que está a realizar o candidato nacionalista á alcaldía, Juventino Trigo.
No último Pleno acordouse por unanimidade pagar as facturas pendentes á Cooperativa de transporte Vieiro. Desde aquela data non se ten tomado iniciativa ningunha para cumprir o acordo.
Dende o BNG afirmamos que a nosa acción no goberno sempre pasará por cumprir os acordos adoptados.

PUENTES DEVOLVE UNHA SUBVENCIÓN DE 68.000 EUROS PARA IMPLANTAR FIBRA ÓPTICA EN VILAR DO COLO

2011-01-28T14:44:00.002+01:00

28/01/11 .- O Concello de Fene ven de devolver unha subvención concedida polo Ministerio de Industria ao abeiro do Plan Ferrol para a instalación de fibra óptica no parque empresarial de Vilar do Colo. A axuda alcanzaba a cantidade de 68.000 euros, e o ente municipal debe agora tamén aportar os intereses desa cantidade dende que foi recibida ata a materialización da devolución. Segundo denuncia o Bloque Nacionalista Galego, o alcalde Iván Puentes amosouse incapaz de xestionar e executar a citada subvención polo que se veu obrigado a devolvela. A falla de eficacia provocou ademais que a devolución se teña que completar cos intereses bancarios.

O BNG considera "insólito que se deixe escapar unha axuda tan necesaria para acometer a modernización tecnolóxica de Vilar do Colo, algo reclamado insistentemente polas empresas instaladas no parque empresarial". Os nacionalistas indican que presentarán no vindeiro pleno unha moción, "instando a unha rápida constitución da asociación de empresas da superficie industrial, ente que se encargará do mantenemento dos viais de Vilar do Colo". O BNG tamén propoñerá xestionar coa Xunta de Galicia a cesión do tramo de vial que vai dende o enlace coa estrada das Pontes ata a denominada "via rápida" a Ares-Mugardos. Asimesmo reclamará a Audasa a reparación do tramo da saida da autopista, deteriorado como consecuencia do seu uso polos autobiles que saen da AP - 9.

O goberno de Fene devolve unha subvención de 8000 euros por non saber investila

2011-01-22T11:38:00.002+01:00

O Concello de Fene devolveu á Deputación da Coruña preto de 8000 euros procedentes dunha subvención para equipamento do museo do humor. A Concellería de Cultura decidiu renunciar voluntariamente a unha axuda de 7.999 euros porque considerou prioritario xustificar outras dúas subvencións concedidas polo ente provincial para o seu departamento.

Nunha resposta escrita a unha pregunta formulada polo BNG, Cultura afirma que se investiu parte da subvencións en mesas e cadeiras, un televisor con equipo audiovisual e un computador portátil. Porén, unhas pantallas táctiles e un sistema antirroubo para os que se solicitara a subvención no se chegaron a mercar, sendo polo tanto imposible a xustificación do gasto.

O museo do humor de Fene conta con carencias de iluminación e equipamento, así como de praza de xestor, invalidada polo actual goberno trala xubilación do anterior. Porén, existen varios proxectos para relanzar a instalación e utilizala como elemento de dinamización pedagóxica e cultural, así como de captación de turismo.

O Museo atópase practicamente abandonado e pechado a maior parte da semana e, para o BNG, a crise económica non pode servir de excusa para non potenciar o Museo cando o Concello se permite o luxo de devolver 8.000 euros á Deputación da Coruña. Desde o BNG demandamos da alcaldía de Fene que non se repitan feitos como esta devolución de subvencións; se non sabe en qué gastar os cartos, pódenlle preguntar ao movemento asociativo de Fene, que de seguro lles presentan moitas propostas de interese.

O BNG pide que se amplíe nun mes o período de suxestións á revisión do PXOM

2011-01-17T14:55:00.001+01:00

O BNG de Fene considera unha actitude irresponsable por parte do goberno local a de restarlle importancia ao documento inicial da revisión do Plan Xeral de Ordenación Municipal (PXOM), xa que nel se marcan as liñas de actuación que, ao noso parecer, deben de ser de todos.

O BNG empraza ao alcalde, Iván Puentes, a solicitarlle á Xunta de Galiza que amplíe un mes máis o período de suxestións ao PXOM. Para os nacionalistas non é de recibo que se iniciase este período o 20 de decembro, pasando os 30 días por un calendario con moitos deles inhábiles.

Proba do interese en ocultar a tramitación da revisión do PXOM é que se lle explican as liñas xerais aos grupos políticos cando xa estaba iniciado o prazo de suxestións, e aínda peor, se lle explica ao movemento veciñal os días 14 e 17 de xaneiro cando o prazo remata o mércores 19 de xaneiro. En palabras do própio equipo redactor, o documento inicial parte da análise do PXOM en vigor e das directrices do PSOE. Ninguén foi escoitado para opinar sobre as ideas do Fene que queremos para o futuro.

O portavoz nacionalista no concello de Fene, Manuel Polo, afirma “que se Puentes quere consenso ten que empezar a falar coa xente e nós dámoslle a oportunidade de que solicite a ampliación do prazo e que se recollan todas as suxestións ao PXOM froito dun debate aberto”.

Aínda estamos a tempo de consensuar o PXOM e facer un proceso participativo aberto a todo o mundo.

O BNG rexistra unha moción que rexeita o pensionazo do PSOE

2011-01-12T11:00:00.001+01:00

O BNG de Fene presentará no vindeiro pleno unha moción para instar ao Executivo Central a que retire a actual proposta sobre a reforma das pensións e a que manteña as axudas ás persoas desempregadas que remataran a prestación. Así mesmo, solicitan da xunta que incremente os orzamentos para a inclusión social.

Deste xeito, o BNG, segundo manifestou o voceiro de Fene, Manuel Polo, posiciónase a prol da xente e obriga á corporación municipal de Fene a posicionarse a prol da xente ou ben dos bancos.

Diversas persoas especialistas en economía estiman que, por cada incremento dun ano no período de cálculo da pensión, a contía descende de media nun 1%. Así, de incrementarse en cinco anos este cómputo, a pensión media dun galego ou galega, que está en 730,70 euros mensuais, descendería en 36,5 euros cada mes, e 511 euros anuais. Isto significa que ao ano, Galiza deixará de percibir en concepto de pensións, 227,3 millóns de euros anuais.

O BNG afirma que o actual sistema de pensións é sólido e solvente, e tamén que poden ser necesarias algunhas reformas no mesmo, pero as mesmas deben servir para corrixir os aspectos regresivos que contempla o Pacto de Toledo, pacto apoiado polo PP e polo PSOE.

O BNG PEDIRA UNIDADE DO CONSELLO ESCOLAR MUNICIPAL FRONTE AOS PECHES DE CENTROS DE ENSINO POR PARTE DA XUNTA

2010-12-18T14:52:00.001+01:00

Fene 18 de decembrode 2010.- O pasado mes de agosto a Consellaría de Educación recuaba, xustificando de “erro” a publicación no DOG do peche da escola de Limodre. Uns meses despois recóllese no catálogo de postos de traballo de mestres, en Fene, unha reducción de 34 postos fixos nos centros de ensino públicos. Isto non é un axuste técnico nin unha adaptación á demanda. No noso concello existen 88 profesores e profesoras entre infantil, primaria e especialistas. A xunta do PP prepara un recurte de profesorado para posteriormente poder pechar centros seguindo coa liña privatizadora e de destrucción de todo o sistema público de educación. Temos constancia da existencia dun informe da Inspección educativa no que se indica o peche dos centors existenten en Maniños(Os Casais) Limodre e Sillobre que afectarían a case un cento de pequenos e pequenas.

O vindeiro luns está convocado o Consello escolar municipal, no mesmo o representande nacionalista Edgar Vigo reclamará unidade de toda a comunidade educativa e da propia sociedade fenesa fronte a esta intención do PP de pechar centros públicos. Ademais o representante do BNG pedirá que se poña en marcha dunha vez a comisión, creada a proposta dos nacionalistas, para avaliar a situación do sistema educativo no noso concello e apostar pola súa mellora e continuidade.

A portavoz de educación do BNG no parlamento Galego ven de plantexar varias preguntas orais e escritas para interresandose pola situación do ensino en Fene. Ademais os nacionalistas pedirán toda a inforamación existente na consellaría relativa aeste asunto e especialmente o informe que xustifica o peche de tres centros de ensino.

O BNG ESIXE A PUENTES QUE SE FAGA CARGO DAS OBRAS MUNICPAIS

2010-12-03T09:38:00.001+01:00

Fene 3 de decembro de 2010.- O BNG leva de novo a iniciativa no Pleno ordinario de decembro do concello de Fene. As comparecencias dos concelleiros socialistas, a petición do BNG, centraron boa parte da sesión plenaria de onte.

O presidente da comisión de desenvolvemento territorial non foi quen de explicar como ten sen iniciar nin unha das obras dos diferentes Plans provinciais, agora parece que só falla un "papel" de ADIF, o propio Puentes recoñeceu ser Fene o único concello da provincia sen facer unha obra cos fondos provinciais desde 2007. Para o BNG é moi preocupante que desde a chegada de Puentes á alcaldía se lle estean dando voltas a estas obras e non se execute nin unha. Como responsábel dos servizos municipais de mantemento, os nacionalistas tamén interrogamos ao concelleiro polo abandono no mantemento de camiños, recollida de augas, canos e rexistros, zonas verdes e edificios municipais. Por último preguntamos cantas licenzas de actividade teñen pendentes, xa que sabemos que hai negocios que levan máis de 20 meses agardando.

Atención aos veciños, neste asunto foi onde o portavoz nacionalista, Manuel Polo, se amosou máis duro”non se pode fuxir da atención á xente, non se pode non coller o teléfono pagado con cartos de todos, non se pode responsabilizar a un funcionario, á oposicón, a outro veciño ou a outra administración de algo que non se fai”. Manuel Polo esixeulle ao concelleiro traballo e atención aos veciños e senon que o alcalde colla parte das súas delegacións e as faga propias.

En canto á comaparecencia da concelleira responsábel da radio, para o BNG estamos ante un intento claro de reducir a emisora mnicipal á mínima expresión, baixando a calidade deste servizo público e desatendendo ao deporte afeccionado de Fene e a comarca. A crise como argumento da reducción de persoal, cando desde a chegada do PSOE ao goberno deixouse de cobrar publicidade, e se disparan gastos ordinarios algo inaudito en tempos de crise.

Moción de mellora do ferrocarril, a única moción pesentada no pleno e que saiu adiante cos únicos votos do BNG. Tanto PP e PSOE se abstiveron nunha moción que demanda a mellora do ferrocarril Ferrol Coruña e dos accesos ferroviarios aos portos interior e exterior de Ferrol

A CREACIÓN DUN PLAN DE EMPREGO É A PRINCIPAL PROPOSTA DO BNG PARA A REDACCIÓN DOS ORZAMENTOS DO 2011.

2010-11-30T12:41:00.001+01:00

Os nacionalistas de Fene veñen de rexistrar un documento titulado “Criterios e porpostas para a redacción dos orzamnetos do 2011” O obxectivo do BNG coa presentación deste documento é a de marcar un ritmo de traballo no goberno municipal para que os nosos veciños e veciñas vexan mellorados os servizos e as obras que presta o concello no vindeiro ano 2011.

Para o BNG é un reto fundamental que o concello poda ter uns orzamentos en vigor para o ano próximo. A sociedade de Fene non pode permitirse perder outro exercio tal e como aconteceu no ano 2009, onde o Puentes foi incapaz de sacar unhas contas adiante ou o caso deste 2010 no que os orzamentos aprobados no verán deron pouco de sí.

Se o PSOE traballa sobre as bases que lle propoñemos desde o BNG non terán problema en cumprir por unha vez no seu mandato co obxectivo de ter os orzamentos aprobados a principios de ano.

Para o BNG o rigor no gasto e a optimización dos ingresos son elementos fundamentais na xestión do diñeiro público. Tendo en conta a situación de grave crise económica e desemprego apostamos decididamente por un Plan de emprego que ao tempo que crea postos de traballo mellore as infaestructuras municipais como rúas e beirarrúas, colexios, cunetas e sumidoiros.

Unha factura pendente é a reducción da morosidade do Concello, polo que axilizar os pagos a proveedores é outra necesidade imprescindible facendo un Plan de saneamento que permita por ao día estes pagos ea sí mellorar a economía das empresas provedoras.

O BNG PREGUNTA POLA DEMORA NO INICIO DAS OBRAS NO PORTO DE BARALLOBRE

2010-11-29T16:36:00.001+01:00

Fene 29 de novembro de 2010.-Os deputados nacionalistas Bieto Lobeira e Ana Luisa Bouza veñen de rexistrar unha pregunta relativa ás obras de mellora do peirao de Barallobre.

As melloras nesta instalación son unha demanda histórica do sector do marisqueo e a pesca no noso concello e que o BNG ven apoiando e damandando con firmeza. Teñen sido moitas as promesas e é tempo xa de que os compromisos pasen a ser realidades.

O 16 de abril formailizouse a licitación para a adxudicación da obra cun prazo de execución de oito meses. Dous meses máis tarde, o 18 de maio, o Presidente de Portos de Galiza visitaba Barallobre para confirmar a inminencia do inicio das obras. Sete meses despois da visita non teñen dado comenzo as obras. Debido a esta situación os nacionalistas de Fene trasladamos a nosa preocpación aos deputados do grupo paralamentar para que preguntasen na cámara galega;

1) Por que razón se incumpriron os prazos previstos en relacións ás obras de mellora no Porto de Barallobre?

2) Cando darán comenzo?

3) Cando rematarán?

Para o portavoz do BNG no concello, Manuel Polo, afima que ” o goberno de Feijoo ten moitos compromisos sen inciar no noso concello e desde o BNG non imos quedar pasivos e perdendo oportunidades de investimentos necesarios para os nosos veciños e veciñas, agardamos que nesta ocasión as obras do porto comencen antes do fin do ano.

O CONCELLO É DO POBO NON DE IVAN PUENTES

2010-11-19T16:41:00.000+01:00

Fene, 19 de novembro de 2010.- No día de hoxe dende as 12:30 da mañá o Concello de Fene sumouse ao peche convocado unilateralente polo alcalde socialista de As Pontes, Valentín Formoso. No caso de Fene o alcalde tamén socialista Puentes, decidiu por conta propia, e facendo un uso partidista da institución pechar o concello desde as 12:30 horas. O BNG non participou desta decisión arroutada e non entendemos que motivación ten máis alá de manter un doble discurso ante o Decreto do carbón que tan negativamente afecta ao concello pontés e a toda a comarca ferrolá.

O que máis caracteriza ao alcalde de Fene non é a de estar á fronte a alcaldía atendendo e esocitando aos veciños e veciñas, se non que calquera excusa lle vale para normalizar o seu absentismo no funcionamento normal da institución local. No día de hoxe, na mentras o concello permanecía pechado pola súa orde , el atopábase fora do ámbito territorial de Fene, andaba en Compostela coa maior naturalidade.

O Concello de Fene é do pobo, veciños e veciñas do noso concello e non dun alcalde ausente que usa a institución ao seu antollo e que por riba pouco aporta á loita contra o decreto do carbón con decisións exóticas como a de pechar o concello unilateralmente e sen aviso previo. Por riba toma unha decisión sen explicar o obxectivo do peche, nin manter unha presenza institucional para dar a cara ante a xente explicando o motivo do mesmo. Para o Portavoz nacionalista, Manuel Polo," os veciños e Fene merecen un alcalde próximo, que os escoite e atenda diariamente e non un aspirante a tertuliano"

O BNG ABANDONA A COMISIÓN INFORMATIVA DE FACENDA POLA FALTA DE INFORMACIÓN DO ALCALDE

2010-11-18T12:46:00.001+01:00

Fene 18 de novembro de 2010.- O grupo municipal do BNG cumpriu a palabra comprometida no Pleno ordinario deste mes de novembro. Neste Pleno o portavoz municipal do BNG, Manuel Polo, advertiu ao Alcalde de que si non se entregaban as actas da Xunta de Goberno Local e do Pleno os nacionalistas deixarían de participar nas comisións informativas. O alcalde comprometeuse á saída do Pleno de entregar as actas pendentes desde xaneiro do 2010 da xunta de goberno local e de ver que problema había coas actas do Pleno pendentes dende agosto.

No BNG lamentamos ter que chegar a unha posición de forza máxima abandonando un órgano colexiado como é unha comisión informativa, pero é o único xeito que atopamos para que o Alcalde tome en serio as nosas peticións de información.

Os nacionalistas vimos denunciando a falla de transparencia do goberno socialista que no último ano tráducese na non contestación de ducias de preguntas por escrito ademais da omisión da entrega das copias das actas dos óganos colexiados.

No concello de Fene nunca se viron, nos últimos 30 anos, actitudes tan pouco comprometidas coa participación e o dereito á información que temos os cargos electos. Desde o noso punto de vista isto non é máis que a punta dun xeito de xestión errática e de costas á xente.

O concello ten paralizados compromisos de pago desde o ano 2008

2010-11-12T14:08:00.000+01:00

Fene 12 de novembro de 2010.- O BNG quere denunciar o incumprimento reiterado do goberno de Puentes nos pagos. Como vimos denunciando os nacionalistas dende hai tempo este goberno gasta máis do que ten orzamentado, adquire compromisos que non cumpre e a piques de pechar a contabilidade do presente ano é incapaz de facer fronte a máis de un millón de euros en facturas a diferentes provedores e tampouco é capaz de cumprir cos acordos laborais asinados no ano 2008 cos empregados municipais.

A xestión de Puentes ao fronte do consistorio fenés é francamente mellorábel, o feito de que no ano 2009 non fose quen de sacar uns orzamentos e que os do 2010 fosen aprobados no verán, afondou máis se cadra na deficiente xestión económica do concello. Para o portavoz nacionalista, Manuel Polo, “Puentes leva máis de tres anos na alcaldía sen implicarse na xestión do concello e repetindo as medias verdades da súa campaña electoral, preocupandose máis de sair na foto que por mellorar os servizos aos veciños”.

Os nacionalistas queren lembrar que solicitaron un informe á Intervención municipal que proxectara a debeda municipal dos últimos 5 anos. Este informe desmonta o argumento do alcalde de que reduciu a débeda municipal. A mesma mantense entre o 30 eo 40 por cen, moi lonxe do 110% permitido legalmente.

Contención do gasto?, un exemplo clarísimo da xestión de Puentes é a súa proposta de cambio de operador de telefonía móbil en xullo do 2009 que lle ía aforrar ao concello o 50% da factura segundo el mesmo afirmou. Revisados os gastos telefónicos desde 2005 vemos que no ano 2009 gastaronse 72.000€ cando ento os 4 anos anteriores non sesuperaron os 60.000€ de media.

Iniciativa nacionalista, o BNG presentará, nos vindeiros días, aos grupos políticos do concello unha batería de medidas para conter realmente os gastos e promover unha xestión sustentábel do concello.

O BNG CUESTIONA O TRABALLO DO GOBERNO NA REVISIÓN DAS ORDENANZAS FISCAIS

2010-11-11T15:04:00.000+01:00

FENE 11 DE NOVEMBRO DE 2010.- A incapacidade do goberno socialista fai que se queden sos na aprobación da subida do IPC (2,1%) a parte das taxas e dos impostos que regula o concello. As ordenanzas chegan tarde sen apoios da oposición e cunha suba esttítica que podía estar fita hai 15 días que asegurara a súa entrada en vigor en prazo.

No debate portavoz nacionalista botou en falta unha proposta rigorosa e traballada que contemplase estudos económicos, actualización dos textos e unha progresividade adaptada aos tempos de crise nos que están vivindo numerosos veciños xubilados e desempregados. Para o BNG non é razonable que se faga unha subida estatística sen ter enconta a que e a quen se lle sube. Existen ordenanzas, como a da auga que fica conxelada por terceiro ano consecutivo sendo esta especialmente sensíbel á suba do perzo da auga en orixe e ao propio contrato coa empresa concesionaria. No BNG tememos que esta actitude de non enfrontar o problema vai abrir a fenda neste sevizo.

O BNG facilita, coa súa abstención, a aprobación das ordenanzas, xa que logo de 3 exercicios de conxelación e de implementación de novos feitos tributarios como a ordenanza que grava o espazo radioelectrico ás operadoras de telefonía móbil e a ordenanza dos caixeiros automáticos, este ano era o de revisar o fondo e a forma das ordenanzas de tal xeito que se garanta un equilibrio sostible nos servizos e ao mesmo tempo se manteña a capacidade de prestación dos mesmos favorecendo ás rendas máis baixas.

O BNG PREGÚNTALLE AO ALCALDE POLO IMPACTO DAS OBRAS DA DEPURADORA EN SAN VALENTIN E DO APARCADOIRO NA ESCOLA INFANTIL

2010-11-10T19:43:00.001+01:00

Fene 9 de novembro de 2010.- Logo de recibir numerosas queixas de
veciños de San Valentín e Perlío, o grupo municipal do BNG preguntou
por escrito ao alclade de Fene, Ivan Puentes, polo impacto das obras
que se está a acometer a Xunta de Galicia para a dotación da
depuradora na marxe sur da ría que van de San Valentin ao concello de
Ares. Segundo varios veciños arricaronse árbores da zona verde da
contorna da zona do depósito que se está a construir neste barrio. Os
nacionalistas queremos saber se o alclade coñece o alcance das obras e
si se tomou algún tipo de medida.
Por outra banda outro grupo de veciños de Perlío manifestaron a súa
disconformidade co xeito co que está a ser executado o aparcadoiro
fronte a Escola infantil da Torre. Neste sentido BNG preguntou no
Pleno se a execución se adaptaba ao proxecto aprobado dentro das obras
do FEISSL 2010, a falta de contestación provocou que hoxe os
nacionalistas rexistraran unha solicitude de informe ao técnico
municipal conforme as obras se axuntan ao proxecto ademais dunha
copia do acordo cesión de terreo realizado por Navantia.

O BNG AFIRMA QUE O ALCALDE SUSPENDE EN TRANSPARENCIA

2010-11-05T18:08:00.004+01:00

Fene 5 de novembro de 2010.- No Pleno ordinario do concello de Fene celebrado onte xoves ás 18:00 o alcalde socialista, Ivan Puentes, consumou unha serie de accións impropias dunha democracia. A convocatoria do Pleno foi a destempo tal e como indicou o Secretario municipal e por outra banda a orde do día non contiña máis que un único punto, a adhesión do concello de Cedeira á Mancomunidade de municipios de Ferrolterra, e ocultou dun plumazo as dúas peticións de comparecencia feitas polo BNG no Pleno do mes anterior, comaparecencias do Presidente da comisón de desenvolvemento territorial e da concelleira responsábel da emisora municipal. Iniciado Pleno pretendeu incluir estes asuntos, xunto con outros dictaminados os días previos en comisións informativas extraordinarias e que pola precipitación e falta de organización interna se acumularon ate 9 puntos fora da orde do día. O BNG non aceptou a proposta e esixiu dilixencia á hora de confeccionar a orde do día do Pleno. As comparecencias dos edís socialistas quedaron a petición dos nacinalistas para o Pleno ordinario de decembro. Desde o BNG tamén se puxo de manifesto que era vergoñento e inaudito que non se leven a aprobar as actas do Pleno desde marzo e que á oposición non se nos entregan as actas da xunta de goberno local, polo que advertimos ao alcalde que de non ser entregada a documentación os edís nacionalistas valoraremos a nosa asistencia aos órganos colexiados do concello.

Por último esixímoslle ao alcalde que nos respostara a máis dun cento de preguntas elaboradas por escrito e das que non deu conta algunha.

No debate do Pleno aprobouse a moción do BNG de adesión á Plataforma contra o decreto do carbón cos votos nacionalistas e populares e a abstención do PSOE e IU, por último tamén se aprobou unha moción consensuada polo BNG, IU e PSOE contra privatización dos servizos no centro educativo Souto de Leixa en Ferrol.

O Portavoz nacionalista no concello,Manuel Polo, afirma “que o goberno de Puentes está esgotado, non traballa, non ten os deberes ao día, non escoita aos veciños e lamentablemente sáltase as normas mínimas que teñen que rexir un concello democrático e transparente”

O BNG afirma que nas taxas e impostos non hai nin proposta, nin acordo, só vemos declaracións de intencións dun goberno esgotado

2010-11-03T08:46:00.001+01:00

03/11/10 08:44 - xestor bng Fene 2 de novembro de 2010.- O portavoz do Grupo Municipal do BNG de Fene, Manuel Polo, quere sair ao paso do que consideramos propaganda gratuita do alcalde de Fene e do seu goberno no relativo ás taxas e impostos do ano 2011. A día de hoxe nin hai proposta nin hai acordo aprobado. No día de hoxe celebrouse unha Comisión extraordinaria de Facenda na que non se aprobou taxa nin ordenanza algunha xa que non figuraba na orde do día. Para o Pleno do vindeiro xoves, que aínda non está convocado, non figura este asunto. O BNG na vontade de facilitar a actualización das ordenanzas sentámonos a negociar o mes pasado e fixemos propostas concretas. De feito entregamos polo rexistro de entrada un documento con 7 puntos moi esclarecedores de cal é a nosa postura. O único que observamos foi unha vontade do concelleiro de Facenda de subir o IPC(2,1%) algunhas taxas e o 5% a recolida do lixo e as actividades culturais e deportivas. No BNG non compartimos esa idea e menos tendo en conta que son criterios subxectivos e faltos de iniciativa e impulso no goberno local á hora de facer propostas positivas para a xente. O desinteres que está a ter o Alcalde en sacar este asunto adiante é de tal calibre que observamos que vai ser materialmente imposible efectivizar proposta algunha en tempo e forma, xa que como é sabido, o asunto ten que tratarse nunha Comisión informativa extraordinaria, logo convocar un Pleno extraordinario e logo remitir o acordo ao BOP e telo a exposición pública 30 días hábiles e para rematar enviar o anuncio ao BOE. Para cubrir este percorrido administrativo había que ter aprobados os novos documentos fiscais como moi tarde esta semana o cal xa vemos que non vai ser viábel. O BNG anima ao Alcalde a poñerse a traballar e sacar algún acordo en tempo e forma e sobre todo nun asunto tan importante como as ordenanzas fiscais do próximo ano. É posibel acadar un acordo pero traballando ordenanza a ordenanza, actualizando textos, mellorando a progresividade impositiva, facilitando o fraccionamento dos pagamentos e outras consideracións que temos feitas desde o BNG

A XUSTIZA AVALA O BO FACER DA EX–CONCELLEIRA DE OBRAS DO BNG NO CONCELLO DE FENE, Mª ALICIA MARTÍNEZ.

2010-10-30T11:46:00.000+02:00

A denuncia contra Alicia Martínez, ex Tenente de Alcalde do BNG no Concello de Fene ata a pasada lexislatura, ven de ser sobresida pola Maxistrada – Xuíz do Xulgado de 1ª Instancia nº 2 de Ferrol.

A denuncia, interposta pola familia do actual concelleiro de Obras no Concello de Fene, José Antonio López Rodríguez, acusaba a Alicia Martínez de prevaricación por ceder material aos veciños para a reparación do camiño da Casavella, un camiño de serventío sito na parroquia de Fene, que da servizo a varias familias e que a denunciante reclama da súa propiedade.

A actuación da ex – concelleira foi a resposta á solicitude realizada polos veciños da zona para facilitar o acceso ás súas vivendas, dificultado polo estado do camiño, sobre todo pola necesidade de acceso periódico da ambulancia á zona para a atención a un dos veciños do lugar.

O fallo da xuíza cuestiona non so a propiedade da denunciante, asegurando que non acredita a titularidade do camiño e ademais poñendo de manifesto que a reparación do mesmo ten sido un beneficio colectivo, tanto para a denunciante como para o resto dos veciños.

Así as cousas, o fallo do xulgado nº 2 ven a demostrar non so que a actuación de Alicia Martínez durante a súa responsabilidade á fronte do área de Obras e Servizos, ten sido dunha honradez meridiana senón tamén que a súa actuación viña a respostar á busca do beneficio colectivo dos veciños e veciñas de Fene.

Dase a circunstancia de que o camiño foi asfaltado durante esta lexislatura por orde do fillo da denunciante, á sazón actual concelleiro de obras no Concello de Fene.

Dende o BNG de Fene queremos amosar o apoio incondicional a Alicia Martínez e a nosa satisfacción porque a xustiza non de creto ás calumnias sobre o bo facer dos/as nacionalistas durante o seu Goberno no Concello de Fene.

Fene 22 de out. de 10

Asemblea Local do BNG de Fene

Puentes adebeda a pequenas empresas máis de un millón de euros

2010-10-11T11:47:00.001+02:00

Fene 11 de outubro de 2010.- O Boletín Oficial da Provincia núm.181, do 21 de setembro de 2010 publicou o edicto coa aprobación definitiva do orzamento municipal do concello de Fene para o ano 2010. A pesar de xa ter entrado en vigor o orzamento do concello para o presente ano, o goberno de Puentes aínda non pagou as facturas pendentes de 2008 e 2009. Estes atrasos débense principalmente ás malas prácticas na contratación de obras e servizos. As concellarías delegadas e o propio alcalde gastaron “inconscientemente” de partidas orzamentarias que estaban esgotadas nos exercicios pasados. A contratación verbal foi elevada a costume e ao non realizar contratos e tampouco un control do gasto todas as concellarías excederon a súa capacidade de gasto. Durante presente ano houbo servizos que se viron prexudicados como o Servizo de Atención á Muller, unha asesoría xurídica para usuarias dos Servizos sociais que leva sen atención desde principios de ano por impago á profesional de dereito que desenvolvía o mesmo. Outros provedores están ao límite das súas posibilidades e con débedas aos seus empregados.

Para o portavoz nacionalista, Manuel Polo, “estar ao día nos pagamentos non resolve a crise pero axuda moito nun intre de ausencia de creto bancario ás empresas”.

Para nós é posíbel facelo moito millor, con rigor e traballo, dous conceptos que Puentes e o seu equipo descoñecen, tanto é así que o ano 2009 foi o primeiro dos últimos 30 anos nos que o concello quedou sen orzamento anual sendo prorrogadas as contas do 2008 ate o mes de agosto de 2010.

A asemblea local do BNG aposta polo independente Juventino Trigo para encabezar a candidatura á alcaldía de Fene

2010-10-02T14:34:00.003+02:00

Fene 2 de outubro de 2010.- Juventino Trigo Rey encabezará a candidatura do BNG de Fene de cara as municipais do 2011, a Asemblea local do BNG reunida o venres 17 de setembro apoiou a iniciativa do Consello local para a elaboración da candidatura unanimemente. Na proposta realizada para encabezar a lista das municipais figura o independente Juventino Trigo.

O consenso no seo do BNG entorno á proposta de Juventino Trigo foi total. Juventino Trigo amosouse moi orgulloso de encabezar a candidatura nacionalista e “moi ilusionado ante o reto de recuperar a alcaldía para o BNG”
O perfil do candidato á alcaldía de Fene polo BNG é o que os veciños e veciñas necesitan para sacar a Fene da parálise e a desatención dos últimos tres anos. Juventino Trigo de 48 anos de idade, é asesor de empresas, sendo o titular da Asesoría Perlío. Foi aprendiz en Astano el logo traballador do estaleiro, nesta época de finais dos anos 70 participou na creación do sindicalismo nacionalista e da propia ANPG, xermolo do actual BNG. Na crise dos anos 80 fórmase estudando Graduado social para posteriormente montar a asesoría que dirixe ate a actualidade. Con ampla experiencia na xestión é coñecido pola seriedade e o rigor no seu traballo. Na actualidade é secretario da Asociación de comerciantes O cruceiro na que se aglutina a meirande parte dos negocios do concello.

Na proposta do Consello Local para a candidatura barállase a continuidade dos concelleiros e concelleiras do actual grupo municipal aínda que non se descarta a incorporación de caras novas. O resto da candidatura está sen pechar, aínda que se están a facer contactos coas persoas máis dinámicas do concello para facer unha candidatura que ilusione e reactive ao pobo de Fene. A aprobación definitiva das candidaturas nacionalistas farase a mediados de novembro onde o BNG dará conta da totalidade da candidatura.
O consello local nacionalista tamén quere dar a coñecer que vai inciar un intenso traballo de contacto social e de participación da cidadanía tanto na elaboración do programa como na confección da candidatura. Ambos obxectivos contaran con especial atención ao que nos diga a xente.

O Pleno de Fene apoia a folga do 29 de setembro

2010-09-24T11:06:00.000+02:00

A iniciativa do BNG sae adiante cos seus 5 votos o de IU e 3 votos da división interna no PSOE, os populares e o portavoz socialista votaron en contra da proposta.

Fene 24 de setembro de 2010.- Onte ás seis da tarde celebrouse o Pleno extraordinario solicitado polo BNG para debater aposión do consistorio fenés perante a convocatoria de folga do vindeiro 29 de setembro.
Nunha sesión caracterizada pola firmeza na defensa da clase traballadora e contra da reforma laboral dos nacionalistas e pola división de opinións no seo do PSOE. O Pp posicionaouse en contra do apoio á folga xeral.
O BNG de Fene pediu unidade na defensa do emprego e reclamou de novo o levantamento do veto político a ASTANO. Fene conta con 1300 persoas desmpregadas moitas delas menores de 30 anos sen espectativa laboral algunha. A reforma laboral é para os nacionalistas un xeito de abaratar o despedimento financiado con cartos públicos.
Na sesión celebrada onte entre o numeroso público asistente atopábase unha ampla representación sindical da CIG.
O portavoz do BNG, Manuel Polo, lamentou o escaso seguimento dos medios cando se podía intuir unha votación como a que saiu con contradicións importantes no PSOE. Polo afirma” agardamos que algo se mova dentro do PSOE e saiban rectificar estas decisións tan desafortunadas en materia laboral e de pensións”
O BNG de Fene, continuando coa campaña a prol da folga e en defensa dun modelo económico diferente fará un reparto de información o vindeiro domingo no mercado ambulante de Perlío.

O BNG DE FENE CHAMA A SECUNDAR MASIVAMENTE A FOLGA XERAL PARA DEFENDER OS DEREITOS LABORAIS E FORZAR UN CAMBIO DE RUMO NA POLÍTICA ANTISOCIAL DO GOBER

2010-09-20T14:13:00.000+02:00

O Pleno extraordinario, solicitado polo BNG pedindo o apoio á fola xeral, será o vindeiro xoves 23.

Fene, 20 de setembro de 2010.- O Pleno extraordinario solicitado polos nacionalistas de Fene pedindo o apoio da corporación á convocatoria de folga xeral será o vindeiro xoves ás seis da tarde. Este Pleno encádrase dentro da intensa campaña do BNG para que o 29 de Setembro o pobo galego se mova en defensados seus dereitos.

Galiza non pode ser a principal pagana da crise. O BNG de Fene chama a secundar masivamente a folga xeral para defender os dereitos das traballadoras e dos traballadores e para forzar un cambio de rumo na política antisocial do Goberno.

Hai unha manchea de razóns para apoiar a convocatoria de folga realizada polo sindicalismo nacionalista, porque non pode ser que a factura dunha crise provocada polo capital financeiro e polos especuladores a vaia pagar, cun retroceso histórico nos seus dereitos laborais, a clase traballadora. En Galiza hai razóns aínda maiores para a mobilización. O noso país é o principal pagano da crise porque suportamos os salarios e as pensións máis baixos do Estado. En consecuencia, as políticas antisociais do Goberno do PSOE -redución de salarios, privatizacións, aumento da idade de xubilación...- prexudican especialmente as galegas e os galegos. A caída no investimento público en infraestruturas tamén castiga de forma singular o noso País, que arrastra un déficit histórico nesta materia. Tanto en época de bonanza como de crise nunca é o tempo de Galiza para o Estado español. Galiza suporta ademais un goberno, o goberno do PP presidido por Feijóo, que ten demostrado a súa completa inutilidade para facer frente á crise. E iso porque o PP comparte co PSOE a mesma estratexia -de carácter claramente neoliberal. Nen PP nen PSOE parecen decatarse de que non é posíbel nengunha saída socialmente xusta á crise que non pase por rachar coas políticas liberais -desrregularización do sector financeiro, privatizacións no sector público, desfiscalización dos ricos...- aplicadas nos últimos anosquer no Estado quer na Unión Europea.

O BNG pide que se mellore a atención para inscribirse nas escolas deportivas municipais

2010-09-18T11:09:00.000+02:00

Fene 18 de setembro de 2010.- Longas esperas no pavillón da Xunqueira desde o pasado luns foron padecidas por centos de veciños e veciñas do noso concello e tamén dos concellos da contorna que ían inscribirse para os cursos de natación e para as escolas deportivas municipais. A razón destas longas esperas non foi outra que a mala previsión do goberno socialista de Iván Puentes. Un sistema de información e inscrición propio doutros tempos e non da era dixital. Tres días para a piscina municipal con 70 números por día que se esgotaron nas primeiras horas, para poder apuntarse nas actividades do concello as persoas tiveron que perder toda mañá para facer un trámite de 5 ou 10 minutos. Xa o ano pasado o BNG trasladou as queixas da xente e pediu á concelleira delegada de cultura e deportes que se mellorara a atención no período de inscricións con varias opcións, ou ampliando os días de matrícula ou ampliando puntualmente o persoal. Para os nacionalistas de Fene non ten explicación que se obrigue á xente ir dous días diferentes para inscribir a unha mesma persoa a diferentes actividades co que se duplican as colas e as agardas. O portavoz do BNG, Manuel Polo, rexistrou hoxe no concello a queixa que lle trasladaron numerosas persoas e ao mesmo tempo vai solicitar que se mellore a atención nos días que restan para pechar os prazos de inscrición, Manuel Polo di ”animo aos usuarios das escolas deportivas a facer chegar as súas queixas ao Concello xa que lamentablemente o goberno de Puentes segue duro de oído e non escoita á xente”

O BNG felicítase polo inicio da contratación das obras do muro de contención no camiño das Chancas

2010-09-16T18:46:00.000+02:00

Fene 15 de setembro de 2010.- O BNG de Fene quere saír ao paso das declararacións do concelleiro de Obras, nas que calificaba de “chapuza do BNG” o proxecto do muro de contención do camiño das Chancas.
En novembro do 2006 aprobouse, cos únicos votos do BNG, o Plan de obras e servizos da Deputación para o ano 2007. Para aprobar estas obras desde o goberno nacionalista de Fene encagáronse, no seu momento, os proxectos das obras que posteriormente foron informados polos técnicos municipais e por último aprobados no Pleno. Coa chegada ao goberno do socialista Ivan Puentes todas as obras financiadas pola Deputación están sen executar, sendo este un caso único na provincia da Coruña. O concelleiro de obras e o propio alcalde terán que explicar como tardaron tres anos en decatarse de que o proxecto non valía e como é que lle encargaron a modificación do proxecto inicial ao mesmo técnico.
O cambio no proxecto é unha cuestión técnica e non política, que a obra pase de ter pilotes a micropilotes, como é o caso, non é unha cuestión política. O que é unha cuestión de xestión ineficaz é tardar 3 anos en facer uns cambios para executar unha obra. O BNG non é responsábel dos atrasos, senon todo o contrario, xa no mes de abril pedimos a comparecencia no pleno do concelleiro delegado de obras para explicar a súa xestión. Nese pleno esiximos traballo e senon que dimitise.
Desde o BNG esixímoslle, de novo, ao concelleiro de obras que execute os dous millóns de euros destinados a 40 obras diferentes de afaltados saneamentos e auga en todas as parroquias do concello.
Para o portavoz do BNG no concello, Manuel Polo, " O concelleiro de obras leva tres escapándolle aos veciños e aos representantes da corporación. O seu mal balance na xestión e na mala atención dos veciños é o que o conduce a este disparate de declaracións”.

O BNG solicita un Pleno extraordinario pedindo o apoio á fola xeral

2010-09-10T13:20:00.001+02:00

Fene, 10 de setembro de 2010.-Os concelleiros e concelleiras do grupo municipal do BNG, ao abeiro da lexislación vixente, veñen de solicitar a convocatoria dun Pleno extraordinario previo ao día 29 de setembro, día da Folga Xeral, cun único punto na orde do día;
ÚNICO.- MOCIÓN DE APOIO Á FOLGA XERAL DO 29 DE SETEMBRO
Desde o BNG queremos recordar que o 25% da corporación pode pedir un Pleno extraordinario, tendo esta capacidade o grupo municipal do BNG. O Alcalde ten agora 15 días para convocar o Pleno.
Para os nacionalistas as últimas decisións en materia laboral do goberno central veñen a a xustificar máis, se cadra, esta convocatoria de folga. A análise que propiciou as medidas que se recollen na reforma laboral parten dunha concepción errónea. Nela responsabilízase ao mercado de traballo do alto nivel e forte crecemento do desemprego. Non obstante, a dinámica de creación e destrución do emprego depende doutros factores, ligados principalmente ao dinamismo económico. Efectivamente, as causas do gran incremento do desemprego en Galiza radican no esgotamento dun modelo produtivo que tivo os seus principais eixos na baixa produtividade e na especialización en actividades de escaso valor engadido, cuxo exemplo máis claro é a creación dunha burbulla ao redor da actividade construtiva e inmobiliaria. A isto, únense outros factores, como a falta de competencias e existencia de vetos a Galiza para poder desenvolver completamente os seus sectores produtivos, como ocorre no sector naval e a Fene e a comarca.
Ante esta reforma laboral é necesaria unha forte contestación social e política, como a convocatoria de folga xeral o vindeiro 29 de setembro, que desde o Bloque Nacionalista Galego apoiamos para que se muden as políticas económicas contrarias aos intereses de traballadores e traballadoras e da sociedade en xeral, ao tempo de defender un modelo económico que garanta prioritariamente o benestar das persoas a través da súa estabilidade nos empregos e o acceso a servizos públicos de calidade.

O BNG pide a convocatoria urxente do Consello da Radio Municipal ante os cambios unilaterais do Alcalde

2010-09-07T13:46:00.000+02:00

Fene, 7 de setembro de 2010.- O portavoz municipal do BNG, Manuel Polo, ven de solicitar por escrito ao Alcalde de Fene a convocatoria urxente do Consello da Radio. O Alcalde, Ivan Puentes, comunicoulle ao BNG o pasado venres, a súa intención de reducir de cinco a tres o número de traballadores da emisora municipal para que estes pasen a facer outras funcións dentro do Concello. O BNG solicitoulle nese mesmo intre que convocase o Consello da Radio, órgano de participación cidadán, técnico e político que asesora á Corporación no desenvolvemento da Radio municipal para que o Alcalde expuxese o seu proxecto para a emisora. A sorpresa salta cando no día de onte, dous traballadores non se incorporan ao seu posto de traballo e comezan a realizar outras funcións.

Hoxe, revisado o rexistro de entrada de documentos puidemos ver como hai un cruce de documentos entre a concelleira delegada Carmen Silvar e a propia emisora municipal, documentos que o BNG tamén solicitou por escrito, pero non vimos escrito algún dirixido aos traballadores afectados.

Pola información trasladada polo Alcalde é a súa vontade que a emisora reduza a súa programación, como por exemplo, coa desaparición do programa da fin de semana A Bancada.

O BNG sospeita que todo o procedemento pode ser irregular polo que, unha vez sexa examinada a documentación solicitada, consideraremos pedir informes xurídicos ao Secretario da Corporación de todo o procedemento.

Para o portavoz do BNG este xeito de actuar errático e ás presas débese ao gran nerviosismo instalado nas filas socialistas, xa que pasaron de non convocar Comisións informativas en agosto porque “non había asuntos” a actuar á lixeira e sen informar reproducindo o lamentábel episodio de cambio de director da radio que como todo o mundo sabe quedou en nada por ser absolutamente irregular e sen fundamento xurídico algún.

Lembrando a Pancho Allegue

2010-09-05T22:21:00.004+02:00

A música de María Manuela e Xurxo Varela serviu para lembrar este mediodia no Parque Castelao de Fene, a Pancho Allegue, ao cumprirense 5 anos dende o seu falecemento. Membros de Galiza Nova tamén interviron no acto lendo anacos da obra de Castelao, Sempre en Galiza. O acto rematou cunha ofrenda floral ao pé da placa que lembra ao concelleiro nacionalista.

Acto de homenaxe á figura de Pancho Allegue en Fene

2010-09-04T13:39:00.001+02:00

Fene 4 de setembro de 2010.- A Asemblea local do BNG de Fene conxuntamente coa súa organización xuvenil Galiza Nova teñen organizado para mañá domingo día 5 de setembro ás 12 da mañá no Parque Castelao, un acto de homenaxe e lembranza á Francisco Allegue Tenreiro, finado hai xa 5 anos sendo tenente de alcalde naquel momento e man dereita do alcalde nacionalista de Fene Xosé María Rivera Arnoso.

O programa do acto consistirá nunha intervención política por parte dos representantes de Galiza Nova de Fene na que farán lectura, entre outras, dunhas pasaxes do Sempre en Galiza de Castelao. Logo haberá un recital musical a cargo de María Manuela e a colocación dun centro floral ante a placa, que no propio parque Castelao, colocaron as entidades asociativas do noso concello en memoria a Pancho Allegue, rematando o acto co canto do noso himno.

Con este acto o BNG de Fene arranca o curso político tomando folgos e inspirándonos no intenso traballo de toda a militancia nacionalista de Fene e que hoxe non poden estar con nós. Para o BNG de Fene os próximos meses van ser dun intensísimo traballo de ilusionar e recuperar a confianza dos nosos veciños, polo que facemos un chamamento á participación masiva a todos os actos e actividades que imos organizar, comezando como non podía ser de outro xeito lembrando a Pancho.

As débedas do Concello de Fene poñen en perigo os salarios do persoal subcontratado

2010-09-02T11:29:00.003+02:00

Fene 2 de setembro de 2010.- A mala xestión económica do goberno de Puentes pon contra as cordas a varias empresas subcontratadas para prestar diversos servizos no concello. No BNG temos coñecemento de que varios traballadores están a sufrir atrasos no pago dos seus salarios pola falta de liquidez das empresas contratadas polo concello. As razóns non son outras que a acumulación de facturas sen pagar no
último ano e a situación irregular da contratación, pola que os empresarios carecen de contrato e polo tanto non poden acreditar ante as entidades financieiras o soporte legal para acceder a liñas de creto.
As empresas afectadas atópanse dobremente afectadas por unha banda ao carecer de contrato co Concello corren o risco de non cobrar e por outro o seu persoal que si conta con contrato ten dereito a cobrar puntualmente. De seguir así esta situación pode traer numerosas demandas nas que na opinión do portavoz nacionalista no concello, Manuel Polo, o responsábel final é sempre o concello como administración contratante.

Unha comisión de seguemento para as obras do FEIL do 2010

2009-12-10T21:48:00.002+01:00

Apostamos polo soterramento das liñas de alta tensión en San Valentín co Fondo Estatal polo Emprego e a Sostenibilidade local 2010.

Propoñemos 3 grandes obxectivos a lograr co FEESL :
1.-Dotar ao Concello Fene de bases sólidas para a creación de emprego e a mellora da economía local.
2.- Promover medidas de sostenibilidade ambiental.
3.- Acelerar a implantación das T.I.C.

Para o BNG o FEESL debe ter obxectivos claros e de futuro que melloren a competitividade do concello no eido económico e a calidade de vida de todos os nosos veciños e veciñas.
Actuacións a realizar:
1.- Dotación das partidas orzamentarias do gasto corrente do Concello relativas a aplicación da lei da Dependencia.
2-Construcción unha aula de educación física no Colexio de Centieiras
3-Redacción dun plan de mobilidade municipal. (Beirarrúas, carrís bici, transporte, accesibilidade en xeral a todo tipo de edificacións e instalacións.)
4-Redacción dun Plan integral de sostenibilidade ambiental (tratamento do lixo,auga espazos naturais ríos, ribeiras, enerxías alternativas, melloras de eficiencia enerxética...)
5-Actuacións de reducción de consumos e mellora da eficiencia dos diferentes alumeados públicos e das instalacións municipais. (Sustitución das lámpadas antigas e de escaso alumado) 6-Mellorar o río Baa e o seu entorno, recuperando o camiño da Lancha.
7-Soterramento das liñas de alta tensión ao seu paso por Fene e San Valentín
8-Redacción dun Plan Director TIC .(Acceso a internet e os seus servizos universais)
9- Implantación dunha rede de acceso a internet sen fíos. (Creación da rede )
10- Desenvolver un Plan estratéxico TIC dirixido ao tecido empresarial e comercial

Negociar coa Xunta para obter un efecto multiplicador do FEESL Desde o BNG de Fene queremos consensuar obxectivos e actuacións que melloren Fene. Os nacionalistas de Fene lembramos a necesidade de acordar canto antes estas actuacións xa que é preciso abrir a negociación coa Xunta de Galicia para xerar un efecto de multiplicación dos investimentos do F.E.I.L. no noso concello, comprometendo investimentos autonómicos en novas tecnoloxías, ensino, servizos sociais e na mellora ambiental de Fene.

Contacto: Casa do Concello: De luns a venres de 11 a 13 no 3º andar Telf.: 981 492 707
Na asemblea local do BNG de Fene: Avda. Naturais, 41-Baixo 15500 Fene. Telf: 981 342 984

Fene, sen Policia municipal toda a fin de semana

2009-09-28T16:43:00.002+02:00

O Bloque Nacionalista Galego quere avisar a toda a cidadania de Fene da inexistencia do servizo da Policia Municipal ao longo da pasada fin de semana. Nos últimos 30 anos os axentes locais cumprian coas súas funcións tamén nas xornadas de sábado e domingo, cun sistema de gardas e turnos que permitía o mantemento do servizo tamén en fin de semana e festivos. Por primeira vez na historia das Corporacións locais democráticas, a falla de previsión, desorganización e desleixo do grupo de goberno (PSOE) deixa a Fene sen ese servizo. Xa que logo, durante esta fin de semana non houbo quen se encargase de vixiar ou custodiar a Casa do Concello, ordenar, regular, sinalizar, denunciar infraccións e dirixir o tráfico, instruir atestados por accidentes de circulación e a prestación de auxilio en casos de accidentes, catástrofe ou calamidade pública. Esas son algunhas das funcións da Policia Local que contempla o artigo 53 da Lei de forzas e corpos de seguridade e máis a Lei de Coordenación das Policias Municipais de Galicia.
A Policia local de Fene conta con 12 axentes, número que, ata o momento foi suficiente para manter o servizo os sete dias da semana de 7 da mañá a 9,30 da noite. Segundo os nacionalistas, o alcalde de Fene Iván Puentes debe explicarlle á cidadanía as razóns polas que Fene queda sen este servizo ao longo do presente fin de semana. Para o BNG, Fene é un concello estratéxico, con problemas de tráfico incrementados na fin de semana. Ademáis da problemática ordinaria, esta fin de semana agárdase concentración de xente nas inmediacións da Casa do Concello, provocada pola Feira Franca Medieval, organizada na zona. O Bloque vai levar unha iniciativa nas comisións informativas para averiguar os motivos deste despropósito e poñer os medios para que estes males non se reproduzan no futuro.

O PSOE bate records en Fene

2009-09-20T11:26:00.001+02:00

O PSOE bateu este ano 2009 o record do retraso na aprobación dos presupostos municipais, segundo denuncia nun comunicado o BNG de Fene.Na historia das Corporacións locais democráticas e con todo tipo de gobernos (en coalición, maioria absoluta ou goberno en minoria) nunca o Concello de Fene chegara ao mes de setembro, sen ter aprobada a previsión de ingresos e gastos municipais. O alcalde Iván Puentes perdeu este ano a oportunidade de utilizar o orzamento como arma para enfrontar a crise económica, realizar investimentos productivos e acometer obras para mellorar Fene. Os nacionalistas reclaman documentación complementaria para poder valorar o borrador das contas entregado a pasada semana, na súa xusta medida. Demandan o anexo coa relación detallada de investimentos, Oferta Pública de Emprego, a comparativa cos anos anteriores e a débeda total do concello. Segundo o Bloque, a realidade demostra que Ivan Puentes é refen das súas palabras, tanto como portavoz na oposición, cando criticaba ao BNG por aprobar as contas no primeiro trimestre do ano, ou na actualidade como Alcalde cando deu varias datas para aprobar os orzamentos que resultaron todas falsas. Desde o mes de febreiro leva dicindo que se aproban para a vindeira semana, afirma a formación nacionalista.
O BNG tamén lle pide ao PSOE que lle explique ao movemento asociativo de Fene (Entidades cidadáns, culturais, deportivas, Anpas, ...) o beneficio que a poboación deste Concello obtivo da regata na ria de Ares (3.000 euros) ou do concurso canino (7.500 euros) para que se incluian no borrador de orzamentos subvencións cuantiosas para os dous eventos citados.
Os nacionalistas entregáronlle hoxe aos socialistas un documento coas cuestións mínimas que deben incluir os presupostos, a xuizo do BNG. Estas cuestións son as seguintes:

Orzamentos municipais 2009
1.- O Plan de emprego de Fene debe definir un proxecto con obxectivos, finalidades e prazos.
2.- Cumprir cos investimentos acordados en decembro de 2008, a saber, remate da casa do Parque Castelao e o alumeado na estrada de Vilar do Colo a Limodre.
3.- Incrementar as partidas do Servizo de Axuda no fogar, emerxencia social, axudas ás familias, becas, e manter o gasto cultural e deportivo.
4.- Conxelación das partidas adicadas aos grupos políticos e asa signacións aos cargos públicos

5.- Incluir unha partida de 200.000 € para mercar terreos para executar viais e equipamentos incluidos no PXOM.
6.- Os cretos deben ir dirixidos a investimentos productivos.
7.- Cumprir os acordos asinados co Persoal do Concello, fundamentalmente O.P.E., fondo social e Plan de xubilación.
8-. Previa aprobación do orzamento ten que haber un acordo sobre o persoal de libre designación.

O Concello de Fene perde 3 cursos de formación ocupacional xa concedidos

2009-08-23T22:54:00.001+02:00

O Bloque Nacionalista Galego de Fene vai presentar un escrito dirixido á alcaldía solicitando información acerca dos cursos de formación do Plan FIP concedidos pola Xunta de Galicia ao Concello de Fene no pasado mes de maio. Trátase de 3 cursos -1 de albanelería, 1 de encofrado e 1 de cachotería- aprobados no seu dia. A xunta local de goberno aprobou o pasado 11 de xuño as bases de contratación de monitores, con anuncio en prensa publicado o 14 do mesmo mes. No mesmo mes de xuño seleccionouse ao alumnado, que alcanza as 45 persoas, que recibirían unha bolsa axuda como mínimo de 125 euros ao mes. Esas persoas xa seleccionadas viven con certa intranquilidade a falla de noticias, e máis cando parece que a Xunta de Galicia lle retirou os cursos ao Concello de Fene, por non ter realizado a tempo a selección dos monitores. O BNG lembra que foi no ano 1986 cando o Concello de Fene planificou o primeiro proxecto de Formación Ocupacional. Dous anos despois o Instituto Nacional de Emprego (INEM) concedeu a Fene a categoría de centro colaborador e homologa a maior parte das especialidades que se impartían nos primeiros cursos de Formación Ocupacional. Fene convertérase, xunto con Arteixo, Cambre, Carballo, Culleredo e Corcubión, nun dos municipios da provincia, innovadores nesta área. Foron moitos anos de esforzo por dar unha oportunidade formativa e laboral a milleiros de xoves que estaban abocados a seguir sumando as taxas de paro. En 1991 o INEM aproba a creación da Escola Obradoiro de Fene, un proxecto máis completo de tres anos de duración, ás que seguiron outras iniciativas similares, impulsadas en boa medida polo concelleiro do BNG Francisco Allegue, falecido o 4 de setembro do 2005.

A ampliación do Instituto é urxente, para o BNG

2009-08-16T19:47:00.004+02:00

O Bloque Nacionalista Galego de Fene insta ao alcalde da localidade,o socialista Iván Puentes, a executar sen máis demora o acordo plenario adoptado en novembro do 2007 polo que se cedía unha parcela á Consellería de Educación da Xunta de Galicia para acometer unha ampliación do centro educativo.S egundo os nacionalistas, "van cumprirse dous anos do citado Pleno, e ainda non se executou o acordo, escudandose o alcalde en problemas técnicos de medición e segregación das parcelas". O Bloque afirma que a medición da parcela e a súa correcta inscrición no Rexistro da Propiedade é un trámite que en ningún caso xustifica un retraso de 20 meses desde a adopción do acordo". Por iso, o BNG manifesta a súa perplexidade pola actitude do PSOE no último pleno da Corporación, votando en contra da urxencia da moción que pedía celeridade nos trámites. Para os nacionalistas, "os ediles de todos os grupos temos que acudir á Xunta de Galicia para reclamar ese investimento, esgrimindo compromisos anteriores, xa que, desgraciadamente, a comunidade educativa do Instituto de Fene, está a pagar a inoperancia, inactividade e deixación do goberno local".

Adxúntase o texto da moción:

GRUPO MUNICIPAL DO BNG NO CONCELLO DE FENE

Manuel Polo Gundín portavoz do GM do BNG no Concello de Fene, ao abeiro da lexislación vixente presenta a seguinte Moción:

SOBRE A AMPLIACIÓN DO IES DE FENE
Exposición de motivos:

A comunidade educativa de Fene ten manifestado en reiteradas ocasións a necesaria ampliación do centro educativo ubicado no lugar do Pazo en Barallobre (Fene) para unha mellor prestacion das súas potencialidades pedagóxicas. Esa necesidade fíxose máis urxente a raiz da segregación de centros entre o Instituto de Ensino Secundario e o Centro Integrado de Formación Profisional. Vense obrigados a compartir espazos e instalacións coa conseguinte merma na calidade educativa. O Pleno do Concello de Fene aprobou en novembro do 2007 a cesión dunha parcela á Consellería de Educación para facilitar a ampliación das instalacións e a desconxestión dos servizos educativos. A aparición de atrancos técnicos no Rexistro da Propiedade, levou á alcaldía de Fene a aparcar o expediente nun recuncho do seu despacho, sen pescudar solucións para resolver o problema. Iso a pesar dos rogos e insistencias do daquela concelleiro de Educación Edgar Vigo López.

Diante de todo isto, proponse ao CONCELLO PLENO a adopción dos seguintes
ACORDOS:

1.-Instar á alcaldía a executar o acordo plenario de novembro de 2007 e solventar os atrancos que poidan existir para ceder a parcela en cuestión á Consellería de Educación.
2.-Formar unha comisión con representantes de todos os partidos políticos, e das direccións do IES e do CEIFP de Fene e solicitar unha entrevista co Conselleiro de Educación para trasladarlle esta problemática.
3º.- Dar conta deste acordo á comunidade educativa dos dous centros afectados, ao delegado territorial da Xunta de Galiza, á Consellaría de Educación, e aos portavoces dos grupos parlamentarios do Parlamento galego.

Fene, a 15 de xullo do 2009

SR.ALCALDE PRESIDENTE DO CONCELLO DE FENE

O río Cádavo, 5 meses con fochancas

2009-07-31T18:22:00.002+02:00

No mes de marzo anunciábase a bombo e platillo que o río Cadavo íaabrirse coa colaboración de Augas de Galicia. No BNG non nospronunciamos naquel intre agardando polos resultados das xestiónsrealizadas. Logo de 5 meses de espera pódese ver que as declaraciónsnon se transformaron en realidade e Perlío sigue tendo dúas grandesfochancas nas súas rúas, con valados provisorios que se caen e querepresentan un grave e continuo perigo de accidentes para peóns evehículos. Algúns veciños da zona xa se preguntan irónicamente "se norio se atopou ouro e non se tapan os furados para extraer o metalprecioso".
O BNG urxe ao Alcalde en repoñer a rúa e entubar o río. Onacionalistas feneses instan ao Alcalde a facer as cousas en serio enon con anuncios falsos que se están a dar por normais no nosoconcello. Os anuncios reiterados e incumpridos dan unha imaxe nefastada institución e son decepcionantes para a cidadanía.
O portavoz nacionalista, Manuel Polo, indica que o concello de Feneconta cun Plan de Urbanismo que contempla a solución do río Cádavo queimplica un traballo de xestión de terreos para poder abrir o cauce.Esta tarefa é prioritaria para poder implicar a Augas de Galicia nunproxecto de futuro. Neste sentido o BNG ve necesaria a colaboracióndas institucións, comezando polo compromiso da Xunta de Galicia.

Demandan a conxelación dos impostos municipais

2008-09-10T22:27:00.002+02:00

O Bloque Nacionalista Galego diríxese ao alcalde de Fene Iván Puentes e lle prega a conxelación das taxas municipais. O BNG indica nun comunicado que, diante da evidente situación de crise económica que xa padecen numerosos cidadáns de Fene e de Ferrolterra en xeral, con elevados índices de desemprego que superan as taxas de Galicia e do Estado, o municipio fenés debe dar un paso adiante, para intentar paliar os efectos da recesión nos sectores sociais máis desfavorecidos. O vindeiro outono a Corporación debe debater unha hipotética modificación das ordenanzas fiscais para o 2009, onde se incluen impostos como o suministro de auga, saneamento, recollida de lixo ou rodaxe de vehiculos, entroutros. Os nacionalistas propoñen que acitada revisión se acometa, co criterio xeral da conxelación, independentemente de que estudos puntuais nalgunha ordenanza xustifiquen algun cambio. O BNG tamén demanda que os cambios propostos se contrasten co movemento asociativo como se ven facendo en Fene, desde 1979.

Fene integrará ao movemento asociativo nos orzamentos participativos

2008-09-07T12:46:00.003+02:00

A Corporación de Fene integrará ao movemento asociativo no proceso de redacción dos orzamentos participativos, segundo se desprende do acordo plenario adoptado na tarde do pasado xoves. A iniciativa implica aconvocatoria ás entidades cidadáns antes do 30 de outubro para expoñerlle as liñas básicas dos orzamentos. Instase ás asociacións aconvocar asambleas veciñais no mes de novembro para recabar opinións e propostas para as contas municipais do 2009. O Concello comprométese a negociar as iniciativas cidadáns coas directivas das entidades. O procedemento pretende combinar unha estratexia participativa quefomente o interese cidadán polo funcionamento municipal e ao mesmot empo potencie o movemento asociativo, rede e tecido de estructuración e participación social permanente.
Segundo os nacionalistas, o Concello de Lugo tamén puxo en marchar ecentemente unha fórmula similar de orzamentos participativos,combinando a apertura ás iniciativas individuais co reforzamento dasasociacións veciñais.
A moción presentada polo BNG saiu adiante cos votos favorabeis dos nacionalistas, do PP e de EU.

Texto íntegro da moción

O fomento da participación cidadán é unha obriga inherente a calquerarepresentante político. Coincidimos xa que logo na preocupación portransformar a democracia representativa en participativa, arbitrandocanles para que a cidadanía decida o destino dos recursos municipais eiso vaia acompañado da definición das principais demandas epreocupacións veciñais en materia de investimentos públicos.Afondar esas liñas de actuación convertiráse nunha ferramenta paraaprofundar na democracia e para achegar a cidadanía ás instituciónslocais, e viceversa.Non obstante, a aplicación dunha metodoloxia nesta materia precisa docoñecemento previo da realidade. En Ferrolterra en xeral, e en Fene enparticular, o movemento asociativo conta cunha historia, cunha forza e tradiciónapreciable. Existen sociedades de máis de medio século de vida,enraizadas na cidadanía, cun importante patrimonio e cunha tradiciónreivindicativa que non se pode nen se debe botar pola borda nunhasemana.O Concello de Fene puxo en marcha dende as primeiras elecciónsdemocráticas un sistemaparticipativo e asambleario, dandolle voz ás entidades en todos osproblemas relevantes para a vida local. Puxéronse en marcha en diferentesépocas o Consello municipal de Saude,Consello municipal da Muller, Consello municipal de Educación,e o Consello Asesor da radio municipal. Dentro desa filosofia global,o Concello de Fene convocou dende comezos da década dos 80 ássociedades para expoñerlle o borrador de orzamentos e recoller nodocumento final ás súas propostas e suxerencias.A pesar de que as sociedades se atopen nunha certa crise, ouprecisamente por iso,coidamos que a institución local debe arbitrar medidas para oafortalamento do movemento asociativo. Dotar ás sociedades de recursose de capacidade de decisión en temas cruciais da localidade son liñasde actuación que se mantiveron no pasado, pero nas que se debe deafondar para facer realidade os PRESUPOSTOS PARTICIPATIVOS.
Por todo iso, propónse a adopción por parte da Corporación de Fene dos seguintes acordos:

1. Instar á Alcaldía e ao goberno a entregar aos grupos políticos e ásentidades cidadáns o borrador dos ORZAMENTOS DO 2009, acompañado dedatos como a Oferta Pública de Emprego, índice de endebedamento,débeda viva e xustificación política do documento orzamentario, antes do 30 de outubro do 2008.

2. Invítase ás entidades cidadáns de todas as parróquias a convocarasambleas veciñais no seu ámbito de actuación entre o 1 e o 25 denovembro do 2008 para debater os orzamentos municipais e recabar asconseguintes propostas.

3. Os grupos políticos reuniránse entre o 25 e o 30 de novembro do2008 coas directivas das entidades cidadáns para escoitar as propostassaidas das asambleas e negociar a súa inclusión nos orzamentos.

4. O Pleno da Corporación reuniráse o 30 de novembro do 2008 paradebater, e aprobar, se procede o orzamento municipal do 2009.

Maribel Serantes, nova responsable do BNG de Fene

2008-06-05T18:27:00.001+02:00

A veciña de San Valentín e mestra no Colexio Os Casais de Maniños Maria Isabel Serantes, resultou elexida responsable local do BNG de Fene en asamblea celebrada por esta organización política. Maribel Serantes encabeza un Consello local formado tamén por Nicolás Garcia López, Digna Faraldo Purriños, Xosé Antón Pico Freire, Maria Rodriguez Rodriguez, Andrés González Vizoso, Loreto de Castro Garcia e Manuel Polo Gundín. Tanto a responsábel como o Consello foron elexidos por unanimidade. Os principais retos do novo organismo pasan pola comunicación coa sociedade das actuacións que o BNG acomete na súa participación nos gobernos do Concello de Fene, Deputación da Coruña e a Xunta de Galicia. Asimesmo o Consello pretende convertirse en canle para trasladar as preocupacións e iniciativas de cidadáns e entidades aos representantes do Bloque no Parlamento Galego e Central, e en calquera outra institución. De xeito inmediato, o BNG de Fene preparará a campaña do 25 de xullo, extendendo entre a cidadanía as súas propostas de conmemoración do Dia da Patria Galega.

A Concellaría de Benestar e Igualdade construirá a segunda Galescola e un Centro de Día

2008-03-31T12:11:00.002+02:00

A reunión celebrouse en Santiago o Pasado día 26 co xerente do Consorcio Galego de Servizos de Igualdade e Benestar, Lois Castrillo e a Primeira Tenente de Alcalde e presidenta da Concellaría de Benestar e Igualdade a Nacionalista Rita Couto (BNG).

A segunda GALESCOLA de Fene, construirase en Barallobre nos terreos da antiga escola unitaria do Carril, o proxecto comezouse no anterior mandato, e agora se está en tramites da cesión dos terreos para comezar a súa construcción.

Será o segundo Centro educativo da Rede Galega de Escolas Infantís (GALESCOLAS), a primeira xa en funcionamento en Perlío e conta con 59 prazas ocupadas por nenos e nenas de entre 0-3 anos. Coa construcción de esta nova GALESCOLA preténdese cubrir o servizo na zona rural.

Como novidade, nesta reunión, xestionouse a construcción dun Centro de Dia para maiores no Concello. Será o primeiro Centro de día que se constrúe na comarca, dos catro existentes na Provincia.

Os Centros de Dia son centros xerontolóxicos socio-terapeúticos e de apoio ás familias que durante o día prestan atención terapéutica integral e plural ás persoas maiores con dependencia ou grave risco de padecela, promovendo a súa autonomía persoal, a actividade relacional e a permanencia no contorno habitual. Estes centros pretenden dar sevizo a persoas que teñan 65 anos cumpridos ou excepcionalmente maiores de 60anos, que pola súa situación especial de dependencia física, psíquica ou social, ou en risco e padecela, precisen de este recurso.

O Proxecto promovido dende a Concellaría de Benestar e Igualdade do Concello Fenés a Vicepresidencia da Igualdade e do Benestar e será xestionado polo Consorcio Galego para o Benestar e Igualdade.

Dende a Concellaría estúdase agora a súa ubicación para por en marcha este proxecto no menor tempo posible.

PROGRAMA DE ELIMINACIÓN DE BARREIRAS ARQUITECTÓNICAS

2008-03-26T14:00:00.002+01:00

Dende a Concellaría de Servizos e Mantemento dirixida pola nacionalista Inés Roca e a Concellaría de Benestar e Igualdade dirixida pola nacionalista Rita Couto, vense de por en marcha un programa para a eliminación de barreiras arquitectónicas en instalacións municipais , Sociedades Culturais, beirarúas e rúas na medida das posibilidades urbanísticas.

A Primeira actuación levouse a cabo na Escola Unitaria de Curros Enriquez, un edificio que data do 1916 construído por iniciativa da Sociedade “Naturales de Fene” formada por emigrantes da Habana, e aínda en uso por distintas asociacións do Concello.

A actuación consistiu na construcción dunha rampa lateral con varanda no acceso principal do Colexio, obra que realizouse dende a Concellaría de Servizos e Mantemento. Outra actuación levouse a cabo na Sociedade O Pote de Maniños coa dotación de outra rampa.

Tamén fixéronse obras en beirarúas da avenida das Pias.

Destacar que atenderanse a demandas de veciños e veciñas para a eliminación de barreiras arquitectónicas.

Estas son as primeiras actuacións que se realizaron dende as dúas concellarías, os traballos continuaran completando así a accesibilidade das instalacións pertencentes ao Concello de Fene.

A próxima actuación levarase a cabo no Cemiterio Municipal do Concello.

A Concellaría de Cultura Traballa nas bases do Concurso de Ideas para a construcción do Centro SocioCultural

2008-03-24T11:50:00.005+01:00

As instalacións construiranse nas inmediacións da Piscina Municipal.

A Concellaría de Cultura e Ensino dirixida polo nacionalista Edgar Vigo (BNG) traballa no prego de bases que rexerá o concurso de ideas para a construcción do Centro SocioCultural do Concello de Fene.

O prego de Clausulas Administrativas ten por obxeto establecer as condicións xurídicas que rexerán no concurso público de ideas co fin de seleccionar un Anteproxecto que sirva de base ao correspondente Proxecto Técnico –Básico e de Execución- para a construcción de dito centro.

O novo edificio acollerá as Oficinas centrais do Departamento de Cultura, Biblioteca Municipal, Sala de Exposicións, Aulas de reunións/cursos actividades, Aula multimedia e Espazo escénico.

O anteproxecto deberá abordar a proposta de integración integral do conxunto que conforma a Piscina Municipal e o novo Centro SocioCultural, acondicionando e urbanizando a totalidade do espazo dispoñible e resolvendo os aspectos de circulación viaria e acceso, de acordo coas determinacións do planeamento vixente.

A Consellaría de Cultura da Xunta de Galiza, concretamente a dirección xeral de difusión cultural, mantén o compromiso orzamentario comprometido coa corporación anterior.

Fene, centro comarcal dos Voluntarios dos Montes

2008-02-17T09:55:00.000+01:00

Fene volverá ser centro comarcal do Voluntariado en Defensa do Monte Galego. A iniciativa activaráse de novo no vindeiro mes de marzo segundo lle confirmou o Director Xeral de Xuventude e Solidaridade Rubén Cela á presidenta da Area de Dinamización Social do Concello de Fene, a nacionalista Rita Couto. O Voluntariado utilizará o local de Protección Civil habilitado no lugar de Vilanova en Fene e a edil do BNG lle trasladou ao representante da Xunta a súa disposición para acoller algunha iniciativa de formación dirixida aos voluntarios e voluntarias.

Dende Fene a Cariño
Os voluntarios con base en Fene atenderon o pasado verán aos Concellos da costa entre Fene e Cariño. Reuniron a 96 persoas, constituindo a base con maior participación de todas as establecidas en Galicia. Reunianse todos os sábados e domingos ás 10 da mañá para iniciar o percorrido polo monte, realizando labores de vixiancia ata as 20 horas. Colocábanse en puntos de boa visibilidade para detectar posibeis focos de lume, e dar o oportuno aviso aos servizos de extinción.
O Voluntariado en Defensa do Monte Galego foi unha iniciativa posta en marcha pola Vicepresidencia da Xunta a través da Dirección Xeral de Xuventude e Solidariedade. Ao longo dos meses do verán do 2007, os participantes nos distintos dispositivos tiveron a oportunidade de coñecer o país, de apreciar a súa riqueza e de asumir a necesidade de preservar o noso medio natural de calquera ameaza. Realizaron un traballo de vixiancia e prevención dos lumes nos montes, logrando coa súa presencia disuadir e dificultar a acción de posibeis incendiarios. Cando detectaban un lume, daban o aviso ao persoal especializado na extinción de incendios.

3000, 4000 ou 6000 persoas pola porta das Pias

2008-01-27T20:56:00.000+01:00

"Que en lugar de 300 volvan entrar pola porta das Pias da antiga Astano, a diario, 3000, ou 4000 ou 6000 persoas". Ese é o desexo que formula o BNG de Fene no seu boletín informativo. O Bloque editou 8.000 exemplares que está a repartir en todos os domicilios de Fene.Os nacionalistas reiteran que "poñerán como condición indispensable para apoiar a calquera goberno, o levantamento dos vetos para que Navantia Fene poda acceder á construcción naval civil".O BNG afirma que é rotundamente falso que a adicación de Navantia á construcción naval militar, impida que o estaleiro de Fene poida producir con plena capacidade e volva servir de "locomotora" para a economía da comarca. Segundo o Bloque, "Ferrolterra viviu grande parte do século pasado á sombra do sector naval, e quedou orfa industrialmente, porque non se defendeu con Z de Galiza, porque o noso país non está suficientemente representado nos órganos políticos estatais.

Obras en marcha

O boletín do BNG presenta unha ampla reportaxe fotográfica de obras en marcha, iniciadas todas elas na pasada lexislatura. Incluense tamén imaxes dos 5 concelleiros do Bloque na Corporación de Fene, detallando as responsabilidades asumidas por cada un deles no goberno municipal.

O muro da vergoña en Perlío

2008-01-20T08:29:00.000+01:00

Os 59 nenos e nenas da Galescola de Perlío en Fene ven a saida do seu centro practicamente "tapiada" por un muro duns tres metros de alto e situado apenas a uns catro metros de distancia. O muro fecha unha parcela propiedade de Navantia, pero totalmente inservible para o estaleiro na actualidade.O Consello local do Bloque Nacionalista Galego urxe da dirección deNavantia a cesión da parcela ao Concello de Fene, para evitar o"castigo visual" ao que se somete aos pequenos e pequenas. O municipio ten xa solicitado en numerosas ocasións o cambio de titularidade dos terreos e o derribo do muro, pero, ata o momento a dirección de Navantia e da SEPI fixeron caso omiso. O anterior goberno municipal iniciou contactos coa dirección daquela de Izar e a negociación marchaba por bó camiño, pero o BNG sinala agora que coa entrada en funcionamento da galescola, preséntase como máis urxente o derribo do muro. A parcela en cuestión ten uns 300 metros cadrados e forma triangular,separando o edificio da Galescola da Rúa da Torre.

A Galescola de Fene abriu as súas portas o pasado 15 de outubro, e conta con 59 prazas ocupadas (34 nenas e 25 nenos) repartidas en catro unidades, unha de 0 a 1 anos, outra de 1 a 2 e dúas de 2 a 3 anos. No centro, que ten horario de 7,30 da mañá a 21,30 horas, traballan 14 profesionais. A Vicepresidencia investiu na construción e equipamento da Galescola de Fene 318.000 euros. Anxo Quintana sinalou nunha visita á Galescola o pasado 24 de outubro que o mantemento anual do centro ascenderá a uns 329.400 euros, dos que o consorcio financiará o 40%. Neste senso, o vicepresidente salientou que este sistema de coxestión das Galescolas, a través do Consorcio, é un "modelo de cooperación institucional aberto pola Vicepresidencia para facilitar aos concellos a xestión destes centros".

Os portos de Maniños, Barallobre e Perlío

2007-12-20T19:02:00.000+01:00

O Consello local do Bloque Nacionalista Galego reclama unha maior axilidade nas intervencións previstas para remodelar as instalacións portuarias en Barallobre e Maniños. O BNG lembra que Portos de Galicia xa consignou nos orzamentos do 2007 a cantidade de 86.206,90 € para esta intervención. Esa partida respondia ao compromiso de VicenteIrisarri co anterior goberno municipal do Concello de Fene e máis coa confraria de pescadores. O BNG pregunta agora se esa cantidade se investiu na redacción do proxecto, tarefa xa iniciada a comezos deste exercicio. En caso contrario os nacionalistas reclaman a consignación nos orzamentos do 2008 do total comprometido con anterioridade, e non o seu aprazamento para o 2009 o que conlevaría un novo retraso na obra.

De feito, Portos de Galicia publicou un anuncio de publicidade pagada na prensa en marzo do 2006 anunciando esta actuación cun orzamento total de 360.000 €. O Bloque defende realizar na ribeira de Maniños e Barallobre unha actuación que incluia o derribo da antiga nave de Fondomar, o axardinamento da zona e a preparación dun espazo onde a Consellería de Pesca poida construir un edificio de servizos portuarios. A iniciativa tamén incluirá a instalación de pantaláns que poderían combinar oatraque de embarcacións pesqueiras e deportivas.

Con anterioridade, o 23 de marzo do 2005 o daquela conselleiro de Pesca Henrique López Veiga asinou un convenio coa confraria de pescadores de Barallobre. Nese protocolo recollíase un investimento de 900.000 € para os anos 2006 e 2007. Dentro das actuacións previstas incluíase a construcción do edificio de usos múltiples, un guindastre para o izado de embarcacións e o acondicionamento e prolongación con pantaláns das duas rampas existentes na zona.Despois de múltiples retrasos e promesas incumpridas, comprendemos un certo desleixo nos mariscadores e mariscadoras da zona, diante dos novos aprazamentos no investimento anunciados polo presidente de Portos de Galicia Jacinto Parga.

O BNG tamén reclama a instalación de pantaláns no porto de Perlio, necesidade reivindicada por parte dos usuarios do embarcadeiro. Esta demanda xa fora trasladada polo goberno municipal anterior aos presidentes de Portos de Galicia e da Autoridade Portuaria de Ferrol San Cibrao.

Nos orzamentos do 2007 de Portos de Galicia recollíanse as seguintes partidas:

Ano 2007: 86.206, 90 €.

Previsión ano 2008: 258.620,69 €

En total suman 344.827,59 €.

Nos orzamentos do 2008 deste mesmo organismo, aparece o seguinte:

Ano 2008: 172.413,79 €

Previsión ano 2009: 172.413,79

En total suman 344.827,59 €.

Fene, a 20 de decembro do 2007

Limpando fontes e lavadeiros nos 12 rios de Fene

2007-11-19T14:56:00.000+01:00

Un total de 40 lavadeiros e 35 fontes figuran no inventario municipal do Concello de Fene. Esas construccións comezaron a repararse, limparse e adecentarse esta mañá, segundo comunica a concelleira de Servizos, a nacionalista Inés Roca. Unha parella de traballadores municipais empreganse na limpeza, pintado e mantemento de fontes e lavadeiros. O Concello de Fene xa ten acometido estes labores noutras ocasións, pero na actualidade algún lavadeiro presenta un mal estado evidente.

Lavadeiros e fontes por parróquias:

Fene: 3 lavadeiros e 3 fontes.
Perlío: 5 lavadeiros e 5 fontes.
Maniños: 9 lavadeiros e 5 fontes.
Barallobre: 11 lavadeiros e 9 fontes.
Magalofes: 5 lavadeiros e 5 fontes.
Limodre: 2 lavadeiros e 3 fontes.
Sillobre: 10 lavadeiros e 4 fontes.
San Valentin: 1 fonte.

Rios:
12 rios e regatos atravesan os 27 quilómetros cadrados do término municipal de Fene. Son en concreto o Xarrón, do Porto e Belelle en Sillobre, Magalofes na parróquia do mesmo nome, Cádavo en Fene, Cádavo e Magalofes en Perlío, Bispo e Abeleira en Barallobre, As Arangas e o rio Ba en Maniños e os Rios do Picho, Castro e Sandeo en Limodre. O rio do Picho nace en Limodre ainda que logo discurre por Maniños. Tamén nesta parróquia desemboca o rio do Bispo, adquirindo na desembocadura a denominación de río da ribeira.
Eses canles fluviais representaron unha notable riqueza para o municipio. Neles funcionaron máis de 60 muiños a un tempo (segundo se reflexa no Catastro de Ensenada de 1752) e grazas a eles, boa parte da roupa de Ferrol se lavaba en Fene, especialmente na parróquia de Sillobre, onde residian e traballaban numerosas lavandeiras.

As lavandeiras
Segundo indica Maria Rivera no seu libro “Sillobre ven de antigo” (Concello de Fene.2000) “nos comezos do século XX a lavandeira facía as viaxes a Ferrol o domingo, levando un “cesto da roupa” e percorría as casas para as que lavaba, recollendo a “roupa lixada” (que era sobre todo, roupa de cama, almofadas, colchas,...) e logo co cesto na cabeza, regresaba a casa. O dia de lavar a roupa era o luns. A primeiras horas da madrugada (á unha ou duas da mañá) as mulleres erguíanse para lavar as pezas. Axudadas cun candil, alumeaban o lavadeiro e lavaban a roupa con xabrón,, fregábana, batíana, torcíana e dábanlle contra as laxes; despois poñíana a “clareo”, tendéndoa ao sol nun campo e regandoa con auga durante ese dia. A roupa pasaba alí a noite e o martes recollíanse as pezas para facer a “bogada”, que consistía en meter a roupa nunha tina, poñéndolle por riba un mandil ou sabenla vella; nun pote poñían a ferver auga con cinza e xabrón e cando fervía un pouco, botábaselle por riba: feito isto a roupa pasábana de novo por auga limpa, xabrón e por un novo clareo. Máis tarde tendíana para secala no “enxugadoiro” formado por toxos. Unha vez seca, a lavandeira recollía e dobraba a roupa e normalmente a entregaba os mércores.

Quédate con Dios Betanzos
Coas tuas betanceiras
Eu voume para Sillobre
Xunto ás miñas lavandeiras.

Lavandeira de Sillobre,
Ai garrida lavandeira
Teño dir a San Ramón
Lavaima a miña monteira.

Fene apoiará o sector productivo no sector primario

2007-11-15T21:03:00.000+01:00

A concellería de Promoción Económica de Fene que dirixe o nacionalista Manuel Polo apoiará proxectos productivos no sector primario, dacordo coas novas directrices da Consellería de Medio Rural que é a que distribúe os fondos dos Programas da Unión Europea (Leader) que pretende primar esas liñas de actuación. Con ese obxectivo, o edil do BNG mantivo sendas reunións coa xunta directiva da cooperativa do mel A Queiroga e máis coa xunta xestora dos comuneiros do monte Marraxón. Nesta zona da parroquia de Sillobre barállase a posibilidade de planificar unha explotación forestal nas 22 hectáreas de terreo dispoñibles. En relación coa Queiroga, as accións poderíanse enfocar na ampliación do mercado do mel e máis no desenvolvemento de outros productos derivados da actividade apícola, tais como o propóleo,o pole, a cera, etcétera. Segundo manifestou Manuel Polo, "nos vindeiros meses haberá que redactar e precisar eses proxectos para logo solicitar as correspondentes axudas". Os cambios nas directrices poderán incluso conlevarmodificacións na estructura da asociación Costa Artabra, coa incorporación de máis entidades relacionadas co sector primario, que ata o momento xestionaba en Ferrolterra ese tipo de programas.

"Daqueles pós e destas augas, veñen estas lameiras"

2007-10-31T15:06:00.000+01:00

O Bloque Nacionalista Galego de Fene convida ao Partido Popular e a Esquerda Unida a apoiar as modificacións propostas nas ordenanzas fiscais de cara ao ano 2008. Os cambios foron a un Pleno celebrado o pasado martes. Aprobáronse os cambios cos votos do BNG, PSOE e EU, e coa oposición do PP. Por regla xeral, as taxas sofren unha subida equivalente ao incremento do Indice de Prezos ao Consumo, modifícanse os módulos do ICIO (Imposto sobre Construccións, Instalacións e Obras) e se aplica un alza do 7% no imposto sobre a auga. O BNG indica que as forzas políticas responsabeis deben manter unha liña coherente de actuación, estén na alcaldía, en goberno de coalición ou na oposición. Lembran os nacionalistas que a taxa da auga permaneceu durante os últimos tres anos invariable, pola actitude “dos grupos da oposición que se negaban a aplicar ningún tipo de incremento”. “Aquellos polvos traen estos lodos” ou “daqueles pós e destas augas, veñen estas lameiras” xa que ao permanecer conxelado o imposto, as arcas municipais perdian cando menos uns recursos equivalentes á suba do IPC (no 2004, o 3,2%, no 2005 o 3,8 % e no 2006 o 2,9%) O Bloque lembra ademais que en anos anteriores xustificábase a suba de cada unha das taxas, cun completo estudo informativo no que se avaliaba o custe do servizo, as necesidades de mellora e os investimentos previstos. Os estudos e as propostas de incremento estudábanse minuciosamente en 7 ou 8 reunións da Comisión Informativa previas á celebración do Pleno. Expoñíanse esas cuestións aos grupos políticos presentes na Corporación e ao movemento asociativo, como representantes da sociedade civil. O BNG comprométese a impulsar e a defender na medida que lle compete, que en próximos anos se prepare a documentación das ordenanzas coa suficiente antelación, acompañando as propostas de modificación de estudos informativos completos.

O autobus do cemiterio municipal ponse en marcha

2007-10-25T17:53:00.000+02:00

A concellería de Servizos de Fene que dirixe a nacionalista Inés Roca comunica a posta en marcha do autobús especial ao cemiterio municipal por mor da próxima data do Dia de Todos os Santos e Defuntos. O omnibus xa sairá este sábado dia 27 ás catro da tarde e co percorrido habitual.
O autobús ao Campo da Arca tamén circulará o mércores dia 31 e o xoves dia 1, saindo os dous dias ás dez da mañá e as catro da tarde. De novo realizará o seu percorrido o venres dia 2. Ademais do servizo de transporte, nestes dias procédese á limpeza do cemiterio, desbroce das zonas colindantes coa aparcamento e revisión do alumeado. O autobús ao cemiterio municipal sae de Chamoso, indo polo Rego da Moa, Magalofes, Lubián, Sillobre, San Valentin, Perlío e Barallobre. A cada usuario cóbraselle unha tarifa de dous euros e oito céntimos.

Fene, a 25 de outubro do 2007

Urxen unha solución no Rego da Moa

2007-10-05T14:58:00.000+02:00

O Bloque Nacionalista Galego de Fene urxe a execución do novo entronque da encrucillada do Rego da Moa en Barallobre. A actual intersección da N-651 e da CP 3503 é un "punto crítico" de tráfico pola complexidade dos cruces posibeis e a elevada velocidade que alcanzan os vehículos na zona ao entrar ou sair da Autopista do Atlántico.
A solución aceptada pola Deputación xa no ano 2006 pasa pola construcción de 1 novo vial que enlazará a estrada de Barallobre (fronte ao colexio dos Exágonos) cunha via morta do parque empresarial de Vilar do Colo. Tamén se unirá de xeito paralelo á N-651 o vial a Fonfria coa estrada de Magalofes. Dese xeito eliminaríanse os cruces perigosos de vehiculos no Rego da Moa.
O Concello de Fene xa presentou esta alternativa á Deputación no ano 2006. Os técnicos municipais elaboraron unha memoria que foi aprobada na Comisión de Urbanismo. Posteriormente xestionouse a iniciativa co vicepresidente da Deputación Xaime Bello e co responsable de Vias e Obras Francisco Candela. Ambolos dous deron a súa conformidade, concretandose a disposición do organismo provincial a financiar a obra, comprometendose o Concello a expropiar os terreos para a execución dos viais.

Fene, a venres 5 de outubro do 2007.

Os usos da Casa da Maleta de Barallobre

2007-09-15T12:07:00.000+02:00

Un centro de interpretación da arquitectura indiana ou un Museo da Emigración, poderían constituir algunhas das utilidades da "Casa da Maleta" de Barallobre, segundo asegura o Bloque Nacionalista Galego de Fene nun comunicado. A formación nacionalista pregunta ao Partido Popular "cales son os motivos agora para a urxencia da súa iniciativa de adquirir un edificio que leva en venda dende o 2004, cando naquela ocasión os populares opuxéronse a iniciar os trámites de compra, e agora entroulles unha presa insólita tanto na Deputación como no Concello de Fene". Para o BNG, "unha vez que o Pleno do Concello de Fene facultou ao alcalde para desenvolver os trámites, é preciso retomar o traballo iniciado pola anterior Corporación". Os nacionalistas xa se dirixiron á Consellería de Cultura e á Consellería de Vivenda da Xunta que inicialmente ven con bós ollos a proposta. Igualmente persoas do Arquivo da Emigración do Consello da Cultura Galega visitaron a edificación de Barallobre, e loubaron a súa singularidade. O Bloque propón de xeito paralelo ao inicio das xestións para estudar a adquisición do inmoble, encargar un proxecto de usos e unhas perspectivas de financiamento da instalación a medio prazo.
Edificio singular
António Fernández Fernández, coñecido como o "Adriano" construiu o edificio da "Casa da Maleta" en 1921. "El trabajo es mi Dios y el mundo mi tumba" era un dos seus lemas, gravados en pracas de mármore no interior da vivenda. A edificación responde a un orixinal deseño realizado integramente polo propio promotor. Un home na cúpula sostén un facho de luz, e unha maleta. Mira ao horizonte, como símbolo e homenaxe ao emigrante que se ve forzado a abandonar a súa patria. O orixinal deseño da vivenda, a cúpula nervada e a estatua que a coroa, xeneraron dende a súa construcción expectación e curiosidade. Na década dos anos 20 a revista "Blanco y Negro" editada en Madrid adicoulle unha reportaxe dunha plana a este chalé ubicado no Camiño da Vrea (Barallobre- Fene - A Coruña).

A Xunta prometeu as beirarruas de Conces no 2007

2007-09-14T19:31:00.000+02:00

O ex-delegado provincial da Consellería de Política Territorial Jacinto Parga comprometérase no seu dia co anterior goberno municipal de Fene a iniciar a construcción de beirarruas na AC 122 entre Fene e Neda neste ano 2007. O Bloque Nacionalista Galego de Fene reclama agora o cumprimento dese compromiso "cada vez máis urxente dada a elevada cantidade de vehiculos e as altas velocidades ás que circulan por este vial". A recente repavimentación da estrada e a conseguinte mellora do firme pode provocar un incremento das velocidades medias, co conseguinte aumento da perigosidade para os numerosos peóns que circulan pola zona, segundo os nacionalistas. O BNG lembra a existencia de edificacións colectivas, "como as vivendas sociais de Conces e as casas de Pedro Pena" para xustificar a necesidade das aceiras, ao tempo que pide sinalización vertical e horizontal de limitación da velocidade "que lembre aos automobilistas o carácter de travesia urbana da via". Para o Bloque, a estrada entre Fene e Neda ven rexistrando un aumento paulatino do tráfico, especialmente visible dende a apertura da Autopista entre Fene e Ferrol o 15 de decembro do 2003, e a entrada en funcionamento do enlace de Neda.

Reclaman beirarruas en Chamoso, Rego da Moa e Santa Ana

2007-09-08T15:28:00.000+02:00

A construcción de beirarruas, de aceiras, na Nacional 651 ao seu paso por Chamoso é a demanda que formula o Bloque Nacionalista Galego de Fene a través dun comunicado. O BNG reclama a conversión nun "boulevard" deste tramo de via entre a gasolineira de Fene e a curva de Santa Ana. Os nacionalistas aseguran que esa actuación convírtese nunha necesidade urxente para a protección dos peóns, dada a elevada velocidade dos vehículos que atravesan a zona. Tamén urxe a urbanización da zona do Rego da Moa, "diante da inminente entrada en servizo do vial que comunica Fonfria con Vilar do Colo, e o conseguinte incremento de paso de vehículos por este punto".
O Bloque lembra que o xefe do Servizo de Planeamento, Proxectos e Obras da Demarcación de Estradas do Estado en Galicia do Ministerio de Fomento Eduardo Toba se comprometera co goberno local anterior "a realizar as beirarruas, de xeito simultáneo á repavimentación do vial". Como queira que nestes dias se procede a botarlle unha capa de "slurry" a este tramo de estrada, a formación nacionalista reclama o cumprimento do compromiso completo e a realización desa actuación. O Bloque demanda asimesmo sinalización vertical e horizontal de reducción de velocidade na "curva de Santa Ana", lugar onde se teñen producido innumerabeis accidentes.

Anxela Bugallo intervén o martes na homenaxe a Pancho Allegue

2007-09-01T10:07:00.000+02:00

A Conselleira de Cultura e Deportes da Xunta de Galicia Anxela Bugallo intervirá en Fene no acto de lembranza a Pancho Allegue, concelleiro do BNG falecido o 4 de setembro do 2005. O recordo ao edil nacionalista terá lugar o vindeiro martes ás 6 da tarde no Parque Castelao, diante da placa que as sociedades de Fene adicaron o pasado ano a Allegue.
Nese acto organizado polo Bloque Nacionalista Galego, daráse a coñecer a iniciativa cidadán de formar unha entidade co nome de Pancho Allegue. A asociación instituirá anualmente un Premio co nome do concelleiro de Fene, que se otorgará a persoas, colectivos ou institucións que destaquen no eido do municipalismo e do sindicalismo. Entre os promotores da asociación “Pancho Allegue” se encontra o ex-concelleiro de Fene Andrés González Vizoso.
Pancho formou parte da Corporación de Fene durante 18 anos, e no momento da súa morte ocupaba o posto de primeiro tenente de alcalde. Con anterioridade participara de xeito activo na loita contra a reconversión naval nos anos 80, sendo referente do sindicalismo nacionalista no seo do comité de empresa de Astano. Ademais presidiu a Asociación de Viciños de Fene entre 1984 e 1987. A súa morte repentina aos 46 anos de idade, debido a un infarto de miocardio, causou unha fonda impresión no Concello de Fene e no conxunto de Ferrolterra. O seu multitudinario sepelio no cemiterio veciñal de Sillobre convertiuse nunha manifestación xeneralizada do agradecemento da povoación ao labor de compromiso de Francisco Allegue. O ano pasado, no seu cabodano, igualmente os cidadáns encheron a Praza do Concello de Fene nun acto institucional no que se presentou o libro “Pancho Allegue. Historia dun compromiso” de Maria Xesús Arias, Henrique Sanfiz e Manuel Mera. O vicepresidente da Xunta Anxo Quintana interveu nese acto loubando a xenerosidade e a entrega á causa nacionalista do edil falecido.

Fene, a 1 de setembro do 2007.

Empresas de base tecnolóxica para Vilar do Colo

2007-05-17T14:17:00.000+02:00

A instalación dun viveiro de empresas de base tecnolóxica en Vilar do Colo, foi unha das propostas que presentou o candidato a alcaldia do BNG de Fene Xose María Rivera no acto celebrado na Sociedade Agarimo de Sillobre. A instalación de firmas relacionadas co sector naval é outra das posibilidades baralladas na actualidade, sempre no camiño da especialización que aproveite sinerxias e xenere emprego, segundo a formación nacionalista. Rivera Arnoso insistiu na urxencia de acometer a terceira fase do parque empresarial, unha vez agotado o chan dispoñible na primeira e segunda fase da instalación. "Se a SEPES continua coas súas reticencias para ampliar Vilar do Colo, recurriremos a XESTUR para que execute esa actuación tan necesaria" manifestou o actual alcalde e candidato nacionalista. O Bloque tamén propuxo aplicar a normativa da Sociedade Estatal, e anular o contrato asinado con aquelas empresas que adquiriron parcelas, e, sen causa xustificada, seguen coas súas propiedades abandonadas.
O BNG está a repartir a domicilio papeletas de votación e programas dende o comezo da campaña electoral. Antes do domingo 27, os candidatos nacionalistas visitarán todas as vivendas de Fene, solicitando o apoio da cidadanía e demandando tamén propostas e suxerencias para a actuación municipal. Dentro a campaña de actos na totalidade das parróquias, o Bloque acude mañán venres a Magalofes. No local social falarán ás oito da tarde, Olegario Otero, Inés Roca, Manolo Pico e Xose María Rivera.

Fene, a 17 de maio do 2007.

Francisco Jorquera: "Pancho Allegue foi un exemplo de traballo"

2007-05-05T17:43:00.000+02:00

"Francisco Allegue foi un exemplo de traballo e honestidade, unha mostra da entrega cara á sociedade, que os concelleiros do BNG amosan e deben continuar amosando no seu labor diario". Afirmouno así o senador nacionalista Francisco Jorquera no acto de presentación da candidatura do Bloque de Fene, celebrado nun establecemento de hostelería do parque empresarial de Vilar do Colo.
A lembranza ao tenente de alcalde falecido en setembro do 2005 xenerou os prolongados aplausos dos asistentes que abarrotaban o local. Jorquera tamén arrincou as palmas do público cando se referiu a Navantia Fene, indicando que “se as competencias do sector naval correspondesen a Galicia, tede por seguro que as gradas do estaleiro non estarían valeiras”. O senador reiterou o compromiso do BNG para conseguir a reactivación da antiga Astano. Referiuse asimesmo a Fene, como un Concello de referencia en Ferrolterra e en Galicia "en materia de equipamentos deportivos, comunitarios e de oferta cultural".
O actual alcalde e candidato á reelección Xose María Rivera avanzou algunhas liñas do programa electoral, indicando que a candidatura do BNG conxuga equilibrio entre continuidade e renovación.

Quintana reitera en Fene o seu compromiso co naval

2007-04-15T12:39:00.000+02:00

"Nova xente, novas ideas, novos proxectos e a garantía de Pepe". Dese xeito resumiu o dirixente do BNG Anxo Quintana a proposta que a formación nacionalista presenta aos cidadáns de Fene diante das eleccións municipais do 27 de maio. O vicepresidente da Xunta definiu a Xose Maria Rivera como un "mestre de alcaldes" loubando o seu traballo a fronte da alcaldia dende 1979. Reiterou o compromiso do Bloque para buscar alternativas de emprego e actividade para Navantia Fene.
Pola súa banda Rivera Arnoso debullou algunhas das propostas que o BNG incluirá no seu programa electoral ás eleccións locais. Defendeu unha política urbanística concebida ao servizo da sociedade, adiantou a necesidade de máis vivenda protexida, lembrou a inminente apertura dunha galescola en Perlío e incidiu na construcción e posta en funcionamento dun Centro Socio-cultural. Como remate ao acto, Xose María Rivera deu lectura á candidatura do BNG de Fene ás eleccións municipais que é a seguinte:1. Xose Maria Rivera Arnoso2. Rita Couto Seijido.3. Edgar Vigo López.4. Inés Roca Requeijo.5. Manuel Pico Sanmartín.6. Manuel Polo Gundín.7. Hector Seco Castro.8. Pedro Seco Ferreira.9. Sara Allegue Rey.10. María Xosé Novo Corral.11. Nicolás Garcia López.12. Digna Faraldo Purriños.13. Maria Sánchez-Andrade Sánchez.14. Paula González.15. Dario Iglesias Feal.16. Verónica Tuñez.17. Andrés González Vizoso.
Suplentes1. Xose Antonio Rodriguez Padilla.2. Maria Xosé Fernández Seco.3. Olegario Otero Pereira.4. Victoria Ayala.

Morreu Moncho Bello

2007-04-06T15:49:00.000+02:00

O histórico militante do BNG de Fene Ramón Bello Rey faleceu esta madrugada.

O seu sepelio terá lugar mañá domingo ás 11,30 da mañá no cemiterio parroquial de Limodre.

Adeus, Moncho. Grazas por ser quen mellor nos falou da vida.

Grazas pola túa fidelidade a Galiza.

Boa viaxe, compañeiro.

BNG en Rede

2007-04-06T13:38:00.000+02:00

Avanzamos un chanzo máis no servizo de rede social do nacionalismo galego que encetamos hai agora tres meses.

Baixo o nome de BNG en Rede podedes atopar na barra lateral da páxina principal deste blogue un cadro que reúne as anotacións sindicadas escritas por máis de 100 blogues galegos vinculados dunha forma ou outra ao BNG.

Grazas a todas estas persoas e colectivos, a partir de xa pódese utilizar varios fluxos RSS para colocar estes contidos no teu blogue ou páxina, ou para te subscribir a eles a través dun agregador de noticias sindicadas.

A sindicación de contidos é unha posibilidade que acaba de pórse en funcionamento na nosa web nacional, mais que non atinxe, polo de agora, ás localidades e comarcas alí aloxadas. Se es responsábel dunha web do BNG recomendámosche que introduzas o cadro das noticias sindicadas do BNG en rede na túa páxina.

O noso consello é que os militantes, afiliados e simpatizantes que o desexen migren directamente cara unha plataforma de publicación que permita a sindicación de contidos e a interacción entre editores e usuarios, sendo os exemplos máis sinxelos e espallados os diversos xestores de blogues que existen ao longo e largo e rede.

Os blogues e a sindicación de contidos permítennos camiñarmos na dirección dunha verdadeira rede sociopolítica horizontal. Persoas falando con persoas. Conversando, dialogando, debatindo e criticando. Facendo uso da nosa liberdade de expresión e tirando proveito das novas tecnoloxías.

Desde aquí animámoste a empregar este servizo e a difundilo. Non deixes de avisarnos a través dos comentarios de calquera idea ou suxerencia que teñas.

Graciñas pola túa atención.

Reclamamos á SEPI a cesión dos terreos ociosos de Astano

2007-02-16T10:06:00.000+01:00

O BNG de Fene súmase á reclamación realizada por unanimidade no Parlamento Galego, na que se lle solicita á SEPI a cesión dos terreos ociosos de Astano para a execución do denominado Plan Barreras. O Bloque adoptou esa resolución nunha asamblea de militantes celebrada na tarde noite de onte.

Os nacionalistas afirman que a volta á construcción naval civil é xa unha demanda unánime en Ferrolterra e en Galicia enteira. Indican que non se resignan a ver como nos paises máis desenvolvidos de Europa como Alemania e Dinamarca se reactivan os estaleiros, mentras “en Fene vémonos encorsetados por un hipotético acordo segredo entre a SEPI e a Unión Europea”.

Segundo o Bloque, “agora o Goberno do PSOE ten que poñer toda a carne no asador para facer viable a proposta presentada pola Conselleria de Innovación e Industria da Xunta de Galicia”. “Se non aceptan o Plan Barreras, o executivo de Zapatero, veráse obrigado a constituir un complexo integral da construcción naval, para que dende o sector público se atenda ao sector militar e civil nas dúas beiras da ria de Ferrol” manifestan os nacionalistas. O BNG tamén esixe o mantenemento das garantias laborais e sociais para os actuais traballadores de Navantia Fene, a través da súa integración opcional no plantel de Navantia Ferrol, e coa aplicación dun novo expediente de prexubilación.

Fernando Blanco presenta o proxecto de novo estaleiro para Fene

2007-01-23T16:14:00.000+01:00

As xestións da Consellaría de Industria, dirixida polo nacionalista Fernando Blanco, xunto coa presión parlamentaria do BNG, desembocaron no proxecto que presentou o Conselleiro en compañía do Presidente de Barreras. O proxecto será financiado conxuntamente polo estaleiro vigués e as dúas caixas galegas. Terá carácter totalmente privado e por tanto non se vería afectado polos vetos negociados coa UE polo PSOE e ratificados polos gobernos ulteriores.

Barreras aspira a comprarlle á SEPI os terreos desaproveitados por Navantia e a ocupar aos traballadores inactivos, xerando 300 empregos directos e 2000 indirectos. Portos de Galicia considera a opción de retirarlle a concesión dos terreos a Navantia se incumpren os termos da cesión, isto é, a falta de actividade.

Minutos máis tarde do anuncio, a SEPI, sociedad estatal propietaria de Navantia, e principal escollo non político para a revitalización industrial da comarca de Ferrolterra, apresurouse a cualificar de sorprendente e irrealizable o proxecto, sen tempo para analizalo.

O alcalde de Fene e candidato á reelección declarou hoxe que non se entende como desde Madrid se poñen trabas unha e outra vez aos proxectos en positivo de desenvolvemento económico da Comarca. Este comportamento obstaculizador imita ao que a SEPI levou a cabo coa ampliación da terceira fase do Polígono de Vilar do Colo.

Os axentes económicos, por voz do presidente da Cámara de Comercio de Ferrol, xa deron o seu visto bo a esta iniciativa de desenvolvemento industrial.

Sorprende o tratamento informativo que La Voz de Galicia lle dá a esta noticia. Na versión electrónica do caderno comarcal non aparece ningunha nova relacionado con isto, e nas páxinas galegas destaca como titular a reacción negativa da SEPI antes que a noticia do proxecto.

A noticia podese ler aquí , aquí e máis aquí.

A sucesión dos acontecementos en tres pasos: 1, 2 e 3.

Rivera Arnoso, cabeza de lista ás eleccións municipais

2007-01-13T18:12:00.000+01:00

A asamblea do BNG de Fene elexiu onte por unanimidade a Xose María Rivera Arnoso, como cabeza de lista da formación nacionalista ás eleccións municipais do vindeiro mes de maio. Na asamblea salientouse a importancia da nova etapa que se abre para o relanzamento no municipio, dada a existencia na Deputación Provincial e na Xunta de Galicia, de gobernos que non discriminan aos Concellos pola súa afiliación ideolóxica. A recuperación do sector naval e a definición de novas actuacións dirixidas a promover o benestar de viciños e viciñas serán as liñas mestras do programa de goberno nacionalista. Ademais continuaráse a pular a lingua e a cultura galega percurando un maior achegamento á xuventude. Nas vindeiras semanas o BNG comezará a traballar na elaboración da candidatura completa e máis do programa electoral. O Bloque goberna en Fene dende1979 e aspira a revalidar a confianza da povoación na vindeira cita coas urnas.

Coas víctimas do franquismo

2006-12-26T10:45:00.000+01:00

Eran algúns dos mellores homes de Fene. Referímonos ás máis de 60 persoas, paseadas ou fusiladas nos dias e meses posteriores ao 18 de xullo de 1936. Non eran persoas violentas, delincuentes nen asesinos. O seu único delito foi defender o réxime establecido, permanecer fidel á República ou participar activamente no tecido asociativo de Fene, na Sociedade Naturais de Fene, na Sociedad de Oficios Varios que tiña a súa sede no Penedo, na Sociedade agrícola La Necesaria, nos sindicatos e nos partidos políticos republicanos, galeguistas e de esquerda.

Eles recollían a tradición da Solidaridad Gallega que nos primeiros anos do século XX impulsou en Fene o farmaceútico Genaro Moreda, membro tamén das Irmandades da Fala e promotor do primeiro galeguismo. Asimesmo bebian dos desexos de liberdade e de progreso que traían os emigrantes retornados de América, fundamentalmente de Cuba e de Estados Unidos.

Homenaxear a estes “mártires da liberdade” é un deber cívico, se queremos que a historia non se repita, que a violencia irracional non volva a dominar a vida política, que poidamos expresar en democracia as arelas de liberdade para os traballadores e para Galiza.

Poderíamos dicir que a inmensa maioria da poboación de Fene da época foi víctima da represión franquista. As familias dos que perderon a vida por unhas ideas políticas, as interminabeis listas de cidadáns multados por “desafectos ao Movemento”, os que foron obrigados a traballar de xeito gratuito nas obras que determinaba a autoridade golpista, ...

Nenos e nenas orfos de pai de xeito prematuro, mulleres que se transformaron en viuvas e que se viron obrigadas a sacar adiante en solitario ás súas familias, pais que enterraron aos seus fillos en plena xuventude, familiares alcumados de “roxos” e que se vian obrigados a saudar ou baixar a cabeza diante da parafernalia falanxista. Todos eles vivieron un auténtico calvario nos anos da posguerra.

O BNG de Fene saúda á iniciativa da Conselleria de Cultura e Deporte de declarar este ano 2006 como ANO DA MEMORIA. Ponse así a primeira pedra dun acto de xustiza democrática.